12~July~2009(日)
天晴
呢排天氣太熱，成日都想食凍嘢
上星期去開大埔街巿
梗係帶定個大袋去入貨啦!
我好鍾意行呢個街巿
最鍾意行二樓乾貨區
啲貨好齊整，一包包咁包好晒
價錢清清楚楚
有幾大包一清二楚
唔使問五蚊有幾多呀?
係呢度居然俾我搵到咸檸呀
而家我係餐廳食飯
都喜歡叫杯咸檸七
而家每隻咸檸都祇係1蚊隻
真係抵好多!
一杯好好味嘅咸檸七就出現啦
加多兩片薄餅
真係好滿足!
雪柜有包薯條
快快趣炸埋俾仔仔囡囡食
炸完灑上呢隻味粉
似唔似M記薯皇呀!
13~July~2009(一)
28C~32C
天晴
今日囡囡派成績表嘅日子
佢考成點並不重要
最担心佢可唔可以抽到自己所選嘅選修科啫
佢十點半返學
十一點半我已經忍唔住
sms問佢
點知佢話仲未到佢攞成績表!
又等............
十二點終於收到佢嘅call
話係派到啦
係佢嘅頭兩個志願
生物同地理
真係好開心
今年我咁緊張佢嘅成績
都係怕佢選科會蝕底
而家安樂晒啦!!!!
問佢往後應該點???????
佢話佢知點做
我話舊年佢都講過呢番說話
點知中三一樣係咁懶散
佢話今次係認真喎，聽住先啦!
希望佢真係識諗
認認真真咁讀書
唔使我再担心佢就安樂晒!!
至於成績點，無所謂
最緊要佢盡咗力!!
今晚買咗壽司為囡囡慶祝下
仲囡囡好大粒嘅士多啤梨!
zzzzz..........
1
回覆刪除[版主回覆07/13/2009 21:33:00]恭喜晒，你終於等到今日啦!
1
回覆刪除[版主回覆07/13/2009 21:33:00]遲咗喎!
今日太長啦 mama到妳啦,短先就我啦
回覆刪除[版主回覆07/13/2009 21:39:00]乜你有 長 的障礙咩?
1
回覆刪除[版主回覆07/13/2009 21:39:00]哈啥........咗啲喎!
3....
回覆刪除恭喜晒你呀~!
[版主回覆07/13/2009 21:38:00]安樂咗一半啦，下月5號先驚嚇呀!
如月,,主席
回覆刪除如月個薄餅好正..係邊樹買.....
[版主回覆07/13/2009 21:38:00]吉豬呀，pk同歡迎你都有隻黃金薄餅都咁正架，祇要用易潔鑊(無需要落油)中火煎至燶就有得食啦，因為我好鍾意食手抓餅!
囡囡可以讀到心水科目你就鬆返口氣啦!
回覆刪除[版主回覆07/13/2009 21:50:00]真係鬆一口氣!
代阿大發言中:如月,我好愛妳...個攪拌機呀
回覆刪除[版主回覆07/13/2009 22:14:00]唔明喎，乜嘢攪拌機呀?????
愛人2號我黎喇
回覆刪除[版主回覆07/13/2009 22:15:00]愛人.....你掛住1號定係2號多啲啫!
呢張相好靚喎! 係咪用新禮物影架???
回覆刪除[版主回覆07/13/2009 22:21:00]全部都係用新相機影架!
恭喜Carrie，恭喜如月，真是一天都光晒，可喜可贺！Carrie，继续努力，你一定掂的！
回覆刪除[版主回覆07/13/2009 22:41:00]光一半咋，下月5號仲驚嚇呀!
如月~樣樣都好正喎 !
回覆刪除囡囡選科個配搭咁得意~又文~又理
[版主回覆07/13/2009 22:40:00]咁先好嘛，唔係限死淨文淨理!
恭喜哂~~安樂哂囉~
回覆刪除[版主回覆07/13/2009 22:57:00]安樂咗一半啦，仲有囝囝嗰闗呀!
妳用緊個個攪拌機呀~
回覆刪除拿拿拿...妳犯左大忌喇,妳千祈唔可以問妳愛人掛冰個多D愛冰個多D呢類問題架,知無 乖喇
[版主回覆07/13/2009 22:57:00]個攪拌器...........又幾好用架!但係.....係大老爺N年前係屈臣買架，而家都無見過啦 哈哈哈............我不嬲都係一個無知嘅師奶啦.....哈哈哈
好囉, 安樂晒囉! 我明天都去攞亞仔既成績表, 我都有少少忐忑. 希望明天有好消息.
回覆刪除我都極鍾意大埔街市, 乾濕貨都鍾意. 有一檔賣泰國菜圃係超好味, 佐係貴d, 要5蚊包. 下次介紹比您食.
[版主回覆07/13/2009 22:54:00]希望你有好消息啦! 泰國鋪，我呢個咸檸都係係泰國鋪買架，唔知係咪你話嗰間呢，我好鍾意食辣菜甫架!
~恭喜您,囡囡選擇理想既科目!
回覆刪除[版主回覆07/13/2009 23:18:00]安樂咗一半啦，下月5號先驚嚇呀!
最緊要係揀到自己想讀嘅科。可喜可賀。
回覆刪除八下卦先，遊戲規則係唔係中、英、數、通識，另外再揀兩科？
[版主回覆07/13/2009 23:19:00]安樂咗一半啦，下月5號先驚嚇呀! 好多學校都會選修三科，即係中英數通識加多三科即七科，但囡囡呢間保守啲，怕佢地讀唔到咁多喎!
恭喜妳放低心頭半嚿大石 , 全家可以刷餐勁嘅慶祝 .
回覆刪除[版主回覆07/13/2009 23:19:00]安樂咗一半啦，下月5號先驚嚇呀!
叻女呀!!!!!!繼續努力!!!!! 我中四五都係文科加bio,捉草蜢劏嘢都非常好玩,enjoy!!!!!!!
回覆刪除[版主回覆07/14/2009 11:22:00]早晨呀‧佢都好有興趣生物，不過担心自己應付唔到啫!
結果唔重要, 最重要係佢己付出努力啦.
回覆刪除[版主回覆07/14/2009 11:21:00]早晨呀‧係呀，佢明先得
而家D父母仲緊張過D仔女.可以安樂晒啦.
回覆刪除[版主回覆07/14/2009 11:21:00]早晨呀‧我都係咁話，佢地都唔識死!
早晨早晨! 恭喜,恭喜, 最緊要係揀到自己想讀嘅科目。
回覆刪除咸檸未見過有得賣喎!
[版主回覆07/14/2009 11:21:00]早晨呀‧多謝! 我屋邨間茶餐廳係我第一次飲咸檸架
恭喜~ 希望囡囡派到自己想讀o既科, 會比心機讀好佢呀!!
回覆刪除[版主回覆07/14/2009 11:20:00]早晨呀‧希望佢會啦
恭喜,恭喜,
回覆刪除[版主回覆07/14/2009 11:19:00]早晨呀‧多謝亞林
你是一等一的好媽媽!
回覆刪除[版主回覆07/14/2009 11:19:00]早晨呀‧天下媽咪萬歲
恭喜晒你呀 !
回覆刪除囡囡自己都咁開心, 佢一定會好努力讀書的 !
[版主回覆07/14/2009 11:18:00]早晨呀‧多謝，總算鬆一口氣啦! 佢年年都咁講架
佢咁講，即係知佢有咁o既心，至於係咪做到，有時真係係天時地利人和夾得到至得，比啲信心佢啦!
回覆刪除[版主回覆07/14/2009 11:18:00]早晨呀‧佢不嬲都好有心架，不過係心不從力之嘛 信住先啦
我都鍾意飲咸檸呀, 有時阿媽會用新鮮檸檬加咸檸來蒸烏頭,都好好味, 你試下.
回覆刪除[版主回覆07/14/2009 11:17:00]早晨呀‧係呀，我就係鍾意呢種味，1蚊隻好抵架!
早晨呀....
回覆刪除安樂曬啦....係咪好似放低左d野咁呀?...嘻嘻....
[版主回覆07/14/2009 15:44:00]哈哈﹒﹒﹒未必，下個月又要担心仔仔放榜呢!
咦,前兩年我都ＹｉＰ咗樽鹹青檸,加Ｄ七喜試下都好喎！
回覆刪除恭喜哂， 囡囡派到心儀嘅科目 ! 我阿仔要等到月底先知結果， 有啲啲不安 。
回覆刪除[版主回覆07/14/2009 15:43:00]下個月又要担心仔仔會考放榜呢!
恭喜哂, 安樂哂喇係嘛 ?
回覆刪除你而家 d 相係咪用新相機影架 ? 好 pro 咁 wor ....
[版主回覆07/14/2009 15:43:00]哈哈﹒﹒﹒﹒係呀，多數都係! 真嘅?開心呢!
囡囡好叻呀!!!相信佢大個女,知點做架啦!!
回覆刪除[版主回覆07/14/2009 15:42:00]哈哈﹒﹒﹒佢舊年都咁講過架
恭喜恭喜！真替你和囡囡高興！
回覆刪除[版主回覆07/14/2009 15:42:00]哈哈﹒﹒﹒﹒﹒唔知開心好定係担心好，佢其實對物理無乜信心架!
囡囡可以讀到心水科目,恭喜晒
回覆刪除我都鍾意係大埔街市買嘢
D萬字醬油好鬼低1.8ml
祗係賣38
[版主回覆07/14/2009 15:41:00]哈哈﹒﹒﹒﹒﹒點解你又會入大埔嘅? 我勁鍾意行呢! 希望囡囡能夠專心讀書啦!
係我朋友帶我去
回覆刪除次次去到,咩都想買
[版主回覆07/14/2009 16:32:00]哈哈﹒﹒﹒﹒﹒咁咪同你好夾
恭喜晒，短期內可以放下心頭大石啦！
回覆刪除[版主回覆07/14/2009 22:53:00]哈哈﹒﹒﹒係半個月咋，下月仔仔放榜呀
祈實都係家
回覆刪除有陣時睇你D網誌
都有共明
由其時老公D激氣野
不過你老公D好野
佢又唔似
[版主回覆07/14/2009 22:52:00]哈哈﹒﹒﹒個個性格同優點都唔相同嘛!
恭喜放下心頭石,讀書永遠係家長急,太子公主們慢慢黎lor
回覆刪除[版主回覆07/14/2009 22:52:00]哈哈﹒﹒﹒個個都係咁
靚媽媽終於可以瞓得個好覺囉...呵呵...恭喜恭喜!
回覆刪除[版主回覆07/15/2009 06:12:00]仲有一個八月放榜呀
妳擔心的依家妳可放心喇...囡囡算唔算送了一份禮物比妳呀...妳仲有咩獎勵呢...剩係壽司唔夠喎...
回覆刪除恭喜哂....
[版主回覆07/15/2009 15:20:00]哈哈﹒﹒﹒未係，仲有8月仔仔放榜仲激(氣)呀!
咁妳都放住一半心先啦
回覆刪除囡囡加油呀
[版主回覆07/16/2009 12:26:00]嘻嘻﹒﹒係呀，過多兩個星期再驚過啦!