28~May~2009(四)
今日好涼凍咗唔少
23C~27C
端午節
你地有冇食糉呀?
唔好食咁多呀?
中國人嘅曆法真係無得頂
仲勁過天文台
年年端午節都一定會落雨架!
放假都無得休息
因為媽媽新屋趕住下星期入伙
一早食完早餐
就入沙田幫手抺屋
都唔明
個個都唔嚟幫手
係咪以為佢地兩個老人家
自己可以攪得掂呀?
間屋個個窗都咁大
無理由要佢地爬高爬低咁架?
要返工嘅，放假又唔嚟
唔使返工嘅，又無諗過要幫手嘅
淨係得我去幫佢地
今日幫佢地抺晒啲窗
就帶媽咪去買齊廚房啲調味料
又買咗啲家居用品
都好重架!
我見佢地兩個都好攰咁
有乜法子呀
呢幾個星期都走來走去
由其是老豆佢仲辛苦
成日都要入嚟收傢俬!
星期六我會再入去幫佢地擦埋個廚房
入開沙田約埋France食tea
佢都好忙
囡囡又要考試
所以都係得二個鐘聚一聚
咁去得見人
我又點會兩手空空去呢
528~伴手禮
呢個係我嘅習慣
最緊要你地收得開心
我就整得開心
今次無乜時間
之前唱K時做咗啲花生酥
咁就攞少少請佢地食啦
淨係得花生酥又好似少咗啲
噚晚放工做完瑜伽
返到屋企就開工
整樣最易嘅
【香蕉合桃蛋糕】~(食譜按此)
今次無攪啲合桃碎入去
祇係做糕面裝飾
今次用呢個細紙模我好鍾意
但個糕面爆得唔靚仔呀!
528~Blog聚~大圍大家樂
Frances & Rachel，Ruby & 小玄
今次係Frances有嘢俾我地
係佢啲台灣手信呀!
我三點就去到大家樂
Frances就等埋Ruby先到
小玄就遲啲到
我食嘅tea set
睇下Rachel幾大食
仲有佢用個好特別嘅方法
食佢嘅麵包!
由三點幾食要四點幾就各自歸家
Frances仲要同囡囡溫默書
我都要返屋企沖個涼
先同奶奶食飯!
1
回覆刪除[版主回覆05/28/2009 22:23:00]一返嚟又係你吓!
1
回覆刪除[版主回覆05/28/2009 22:24:00]食飯未呀?
look
回覆刪除[版主回覆05/28/2009 22:25:00]未暈呀，使唔使搵009扶住你呀?
3333
回覆刪除[版主回覆05/28/2009 22:25:00]係四噃?
主席..如月你好
回覆刪除[版主回覆05/28/2009 22:25:00]mama你好!
好彩趕得切
回覆刪除今日去完沙田個頭痛到而家 原來沙田都有d似旺角架
[版主回覆05/28/2009 22:22:00]我今日成日都係沙田喎，剛剛先同奶奶食完飯!
连數手指都錯，444444 。。。唉
回覆刪除[版主回覆05/28/2009 22:26:00]哈..............係喎!
mommy dearest你好嗎? 第3系我呀
回覆刪除[版主回覆05/28/2009 22:26:00]mommy知道啦!
我嫲嫲有包好多椶呀....有排食....
回覆刪除[版主回覆05/28/2009 22:27:00]係啦，食一隻都好包啦!
我地哩邊今日都係落緊雨呀.點解端午節一定會落雨呢?我大B今日跟學校去動物園.落雨真係好唔方便.唔知佢而家點呢?
回覆刪除[版主回覆05/28/2009 22:28:00]唔知喎，年年都係咁架! 香港落咗好多日雨啦!
你真係一個好....乖女嚟㗎！ 成日都睇倒你去幫你呀媽...
回覆刪除[版主回覆05/28/2009 22:29:00]咁佢地年紀大，無理由唔去幫手架!
如月真係孝順女一名，難得假期都咁勤力幫手執嘢....
回覆刪除[版主回覆05/28/2009 22:47:00]咁我唔幫邊個幫呀，佢地兩個老人家都做咗幾個禮拜啦!
今日妳都安排咁多節目...忙完一日好早 D休息喇...
回覆刪除[版主回覆05/28/2009 22:47:00]剛剛先同奶奶食完飯返屋咋!
十隻手指有長短, 唔係個個都好似你咁乖, 自己做咗自己的本份就ok啦. 有時真人地唔做都無計架, 唯有自己做啦, 做孝順女就係辛苦d架啦
回覆刪除[版主回覆05/29/2009 06:29:00]早晨呀~咁我一定做番自己應該做，唔係話佢地唔孝順，祇係怪佢地無諗過幫手咩?間屋雖然細，但都好多功夫嘛，淨係買齊嘢入伙都行十轉八轉啦!
我媽咪屋企都係岩岩裝修好, 仔女真係唔係個個都幫手, 所我都好明白妳.....總之自己做得到既就做.
回覆刪除咁我幾時先有機會試下妳既拌手禮呢
[版主回覆05/29/2009 06:27:00]早晨呀~總之我做到都會做啦!因為見到佢地真係好攰! 你又想咩?
你真係一個好媽媽; 又係一個好囡囡
回覆刪除你d屋企人好幸福呀~
[版主回覆05/29/2009 06:26:00]早晨呀~但啲蛋糕無你整得咁靚呢! 唔好咁講，我都係做番自己應該要做啫!
睇黎.....您今晚都會好好瞓了~~
回覆刪除早點去睡,好好休息啊~
[版主回覆05/29/2009 06:25:00]早晨呀~我日日都好好瞓架，不過今朝喉嚨痛呀!
小丸子你好！！
回覆刪除[版主回覆05/29/2009 06:25:00]早晨呀~
請個家務助理隔個禮拜上去一次,一個月都係幾嚿水,好過自己做餐C吖!!!!!! 個蛋糕好靚仔呀.............
回覆刪除[版主回覆05/29/2009 06:24:00]早晨呀~唔係請個問題，係間新屋好多嘢要抺好多嘢要買，做完呢次唔使啦!不過都要帶佢地去買嘢嘛，一間屋好多嘢要買架，柴米油鹽都要架!
妳個紙模我都有喎,妳又話整埋俾阿大既
回覆刪除[版主回覆05/29/2009 06:22:00]早晨呀~你都無答我幾時嚟攞!
嘩...又有手信啦
回覆刪除慢慢黎啦, 唔好做壞自己
[版主回覆05/29/2009 06:22:00]早晨呀~咁都要買齊基本嘢嘛，之前已經同佢地搵傢俬搵電器，攪咗好多嘢架!
你一放假唔係要入大圍幫你爸爸媽媽間屋做清潔, 再唔係就去陪奶奶, 仲要整埋伴手禮添, 比我就真係頂唔蒲病咗九世啦! 今日見你個樣好攰, 你真係星期日要抖返吓, 瞓多d, 唔好捱壞自己呀!
回覆刪除[版主回覆05/29/2009 06:21:00]早晨呀~攰都要啦!一間屋入伙，要有好多好多嘢買架!就算買基本嘢都有排買呢?星期日仲要幫佢地去訂冷氣呢!相信佢地入咗伙先可以休息!
hihi~ 你好。
回覆刪除話說我今日訓醒晏覺，已經俾人食晒d "傻" 喇......
好可憐啊..........
[版主回覆05/29/2009 06:19:00]早晨呀~我就仲有一隻等人食呀!
大家都好忙呀,你Ｄ仔仔女女幾時放假？
回覆刪除[版主回覆05/29/2009 06:18:00]早晨呀~7月中先放暑假!
早晨早晨!你真係乖女！我真係想認識你,見到你呀.你真係一個大好人呀.
回覆刪除[版主回覆05/29/2009 06:17:00]早晨呀~呢樣我認架! 我唔係大好人，但心腸直就真! 好多時都會直腸直肚得罪人架! 等我攪好媽咪啲嘢，先約下你見面啦!
如月抵贊 妳好乖女 要返工仲要幫爸爸媽媽新屋清潔兼買用品 乜間新屋得佢地兩老住咩?
回覆刪除[版主回覆05/29/2009 08:15:00]早晨呀~乖女我認架，成日都要聽佢兩老呻，佢地有乜嘢一定搵我架! 係呀，係細佬買俾佢地住架，兩個人住!咁近細路咪可以成日返去飲湯囉!
你真係乖女呀 ~ 早幾年婆婆家大裝修, 我就係無乜幫手個個女 因為自己仲返緊工, 忙到 c 下 c 下, 只係放假借個工人去幫手抹下野.......
回覆刪除呢日都好充實, 一日走咁多場, 個個 blog 友相聚仲一定有拌手禮, 真係有心
[版主回覆05/29/2009 08:28:00]早晨呀~咁放假都可以幫手嘛! 走場都係近近地先搵佢地啫，真係無能力再去第二度!
香蕉蛋糕爆得好靚仔呀!
回覆刪除[版主回覆05/29/2009 08:44:00]唔靚呀，本來介咗一刀係中間，但都爆唔到開口嘅!
早晨如月..我而家見到粽都驚......
回覆刪除[版主回覆05/29/2009 08:43:00]真係每年食一隻就夠啦!
這只可以話佢地唔夠細心
回覆刪除[版主回覆05/29/2009 10:35:00]咁我都幾細心架，不過脾氣大之嘛!
大家知道有你幫佢哋，咪懶得郁囉。
回覆刪除乜你個個星期都有blog 聚咁開心o既。
[版主回覆05/29/2009 11:40:00]唔知係咪喎?我覺得幫到幾多就幾多啦! 唔係個個星期架!
好欣賞妳的勤力, 對 blog 聚的認真, 對老人家的尊敬與服侍.
回覆刪除妳真係好 ----- 正呀!!!!
[版主回覆05/29/2009 11:42:00]勤力又無獎嘅! 我邊樣...........正啫?
Morning morning.... weekend again, so nice!
回覆刪除[版主回覆05/29/2009 12:15:00]係呀，不過無得抖噃! 聽日再入沙田，星期仲要幫亞媽訂冷氣呢!
你好呀~~
回覆刪除你做的食品買相都已經好靚啦!!
相信味道一定唔錯啦~~
[版主回覆05/29/2009 12:43:00]多謝你呀，唔係次次都成功架!
我唔出現但係好想要您既伴手禮呀! 早知叫Frances留一件俾我下星期食喇!
回覆刪除[版主回覆05/29/2009 12:45:00]我本來都想問frances係咪會見你架，後來唔記得問!
yeah....剛剛食左個糭lunch....正!!!
回覆刪除[版主回覆05/29/2009 14:09:00]咁係咪好飽呢?
如月~妳點解唔請鐘點 ,自己無咁辛苦 ~
回覆刪除[版主回覆05/29/2009 16:56:00]因為祇係裝潢好要抺屋之嘛!
見你哋成日約出嚟食嘢,咁friend,真係羨慕c我啦~~~
回覆刪除[版主回覆05/30/2009 21:26:00]香港地細呀嘛!
好充實呀！
回覆刪除[版主回覆05/30/2009 21:26:00]攰C啦!
嘩．．．好充實噃
回覆刪除[版主回覆05/31/2009 21:16:00](Empty)