13~May~2009(三)
天晴
24C~32C
奶奶隨時可以出院
但係叔仔驚佢無人照顧唔肯接佢出院
同姑娘講要送佢去療養院
佢地想佢隻手好番晒先返屋企!
噚晚我一見奶奶
佢就同我講好悶
住咗半個多月醫院好鬼悶喎
奶奶梗係想即刻出院啦!
無做咗兩個星期瑜伽
今日都應該要返下啦
唔係啲骨頭會硬晒
咁即表示又做無飯煮婦啦
做完瑜伽返嚟先同仔仔囡囡食飯!
之前係開心快活人個blog
佢介紹呢樣嘢
話係花園街買
前日落灣仔，見到即刻買番個
仲有好多種顏色擇
我就揀咗個粉紅色，好靚呀!
大家知唔知係乜嘢?
唔係一個普通嘅密實盒呀
睇真啲
?
?
?
?
?
?
?
係迷你食物處理器
好細個配件好簡單
開咗個蓋
祇有一個隻刀片嘅配件
仲有一個放係頂部的
用嚟攪拌勻啲食材嘅
往往買咗推廣啲產品返屋都唔會用
但呢個我試過
好方便
超易清理
祇要掩開蓋
放入蒜茸(二三粒都唔成問題)
冚實個蓋
雙手反方面咁扭動
祇消十數下
啲蒜頭已經碎晒
(如果想再細一點，就要放多少少蒜頭)
加多$10就有多兩個刀片
呢套都係$40超抵!
以後對手唔使一陣味啦!好方便!
1
回覆刪除[版主回覆05/13/2009 21:45:00]主席失咗踪呀!
(Empty)
回覆刪除[版主回覆05/13/2009 21:46:00]今日好快喎!
3
回覆刪除[版主回覆05/13/2009 21:46:00]今日唔夠mama快啦!
今日又有H1N1啦
回覆刪除[版主回覆05/13/2009 21:46:00]我剛剛睇到呀，都未睇清楚添!
哈哈....等咁耐到值得..... ...我平時都係用肉碎機攪蒜頭....
回覆刪除[版主回覆05/13/2009 21:47:00]我都有碎肉機，但好麻煩，又要插制又要洗好多嘢，又大件!呢個超細!
等到遊完 blog 再加講完 3 次故事妳先出 post, 遲好多下喎!
回覆刪除點計先?!
我好日唔得閒, 今日得閒妳又唔準時.
我唔理, 我當我自己第 1. (妳睇返上一個 post 最後的留言計) 哈哈~~~
[版主回覆05/13/2009 22:00:00]sorry 較錯時間呀! 返到入咗個blog先知咋! 咁都得!
個盒又幾得意wor.
回覆刪除[版主回覆05/13/2009 21:59:00]仲好多顏色喎!
今日又有H1N1啦 <-- 係呀!! 但, 都唔驚得咁多. 我覺得 ....... 其實可能好多人都有, 但已經好返都唔定 (因為病徵似流感, 有人可以自行痊癒). 所以, 擴散緊都冇人知. 但當然, 大家都要小心啦~~
回覆刪除[版主回覆05/13/2009 21:59:00]係呀，我剛剛知咋，成機人走晒出街喎! 可能係，抵抗力好咪自己好番囉!
等我買番個先......
回覆刪除[版主回覆05/13/2009 21:58:00]好似花園街有得買喎!
嘩...妳 D粉絲真係等住妳喎...剛剛行過妳已經咁快咁多人舉手...唔見咗主席...
回覆刪除係灣仔邊道呀...春園街有冇...我家的係又大又長舊款果隻...好痳煩...
[版主回覆05/13/2009 21:57:00]哈哈哈............唔好咁講! 主席可能同仔仔沖涼呀! 你方便咩，不如我幫你買啦，聽講花園街都有得買喎! 我係石水渠街買架!
MAMA真係勁啦
回覆刪除[版主回覆05/13/2009 22:01:00]沖完涼啦!
可能主席已經唔再等, 走左 lu.
回覆刪除我頭先都係呀!
不過我唔甘心, 又心思思開返, 再 login 過咋~~
[版主回覆05/13/2009 22:02:00]主席係下邊呀! 你知我唔會無端端咁架!除咗壞電腦嗰次無出blog咋!
做咩主席今日咁遲呀?
回覆刪除[版主回覆05/13/2009 22:03:00]sorry 較錯時間呀! 唔關主席事架! 我返到開電腦先知錯咋!
但係.....
回覆刪除咁咪又要搵地方放呢件野law ??
[版主回覆05/13/2009 22:04:00]但係一個碗咁大咋!
好喎...不過如果太痳煩就唔好...要妳方便就腳先好喎...石水渠街係灣仔架...我只係識春園街...因我媽住附近...
回覆刪除[版主回覆05/13/2009 22:14:00]石水渠街隔兩條街咪春園街囉! 我晏晝我成日都去灣仔食晏架，唔急都好方便!你要乜嘢色呀?
6X...緊係一樣色喇...
回覆刪除可能我行咗都唔知...我隔兩星期行一次...不過次次都係同個女買貼紙...
[版主回覆05/13/2009 22:40:00]隔離條街好似街巿咁架，好多嘢買，等我下次經過幫你買一個啦!粉紅色嘛! (佢有燈色，紫色，藍色，綠色)
您奶奶真係慘~有家歸不得~如果我將來老了,
回覆刪除自己的兒女這樣對我,真的一殼眼淚~
您叔仔話擔心她出院沒人照顧,可以請個鐘點睇住她的嘛~
反正又唔係長期病,最多咪請一頭半個月~唉~~
[版主回覆05/13/2009 22:42:00]佢老人家好想返屋企，但啲仔女驚佢唔掂，其實我都贊成佢返屋企架，但我無出聲! 佢有個印印啦!佢地諗住佢隻郁得先出院喎，都傻嘅，要奶奶隻手可以好番起碼都要幾個月啦，唔通要佢住多一頭半個月醫咩，住多一個星期又點呀，隻手又咪咁上下!
我都喺春園街見過呢個食物處理器呀, 都有幾多人買架 .....
回覆刪除[版主回覆05/14/2009 06:21:00]係BLOG友介紹過我先敢買咋!再返屋企試驗過先敢介紹架!
都唔錯噃!
回覆刪除[版主回覆05/14/2009 06:20:00]好方便!
以前買左個 chop chop 的切碎機，大約 $89蚊，諗起洗都煩，雙手咪一樣有味，要洗多個野啊！
回覆刪除[版主回覆05/14/2009 06:20:00]我都買過呀，打咗入冷宮啦! 呢個成個盒咁，好易處理!
我之前住一個禮拜醫院都悶到想死, 出咗院就即刻捉住屋企人陪我打麻雀, 你奶奶家吓住咗兩個禮拜, 梗係仲悶啦!
回覆刪除你呢舊嘢我屋企用咗十幾年啦喎! 不過係大SIZE版, 我見老豆同媽咪煮大豆芽菜少肉鬆就會用嚟搞爛D大豆芽, 兩三吓手勢就碎晒, 就係好方便咁架!
[版主回覆05/14/2009 06:19:00]乜有大嘅咩?咁係咪好貴架，我呢個好細，整幾粒蒜頭好快!
果然係野黎
回覆刪除[版主回覆05/14/2009 06:18:00]梗係好嘢啦!
我来報到。。。有工人都不可回家，咁咁咁咁咁
回覆刪除[版主回覆05/14/2009 06:17:00]同GIGI去食飯呀? 咪係囉，所以咪話佢地太緊張囉!
去療養院環境好Ｄ,做吓物理治療都好,呢Ｄ環境你唔方便講ga........... 個"架生"幾盞鬼喎!!!!!!!!!!
回覆刪除[版主回覆05/14/2009 06:16:00]由上星期一開始話去九龍醫院講到今時今日都無得去! 奶奶又精神係醫院又無人幫佢做物理治療，成日瞓係張床度，梗係悶C佢啦! 唔祇盞鬼仲幾好用添!
我都見過呀,原來甘正架?
回覆刪除[版主回覆05/14/2009 06:15:00]如果我唔係係人地個blog見介紹過用過話好! 我都未必會買架!
呢嗰發明真係好好喎！我試過在市集買過另一款的，唔好用，打左入冷宮 lu!
回覆刪除[版主回覆05/14/2009 06:12:00]我都試過買咗個好貴架，都唔得嘅!
嘩, 我好怕切蒜蓉架~~ 呢個正呀!! 宜家切蒜蓉唔會落手去掂啦, 通常用隻叉黎代替手, 咁都可以唔駛成陣味!!
回覆刪除[版主回覆05/14/2009 06:11:00]有樣叫做除味器，係一隻不锈鋼嘅蛋形物體! 我試過都得架!十蚊有交易!
早晨早晨! 老人家緊係返屋企會好啲,如果你哋送佢去療養院佢好唔開心架,以為仔女遺棄佢.覺得佢冇用,阻頭阻勢.
回覆刪除你個小玩兒我都想買呀!可惜唔知我呢頭有冇呢?
[版主回覆05/14/2009 06:09:00]老人家無乜嘢都應該俾佢返屋企啦! 咁你係邊頭啫?
Seems pretty cool...
回覆刪除[版主回覆05/14/2009 08:27:00]咁你要唔要呀? 一陣同亞媽去買傢俬呀!
Sure, if you walk by the store, pls buy me one. Thanks! So, has Mom made up her mind yet on what furniture to buy?
回覆刪除[版主回覆05/14/2009 10:05:00]經過幫你買一個啦!你要乜嘢顏色? 佢有粉紅，燈色，紫色，藍色，綠色
但係又要洗多樣嘢喎!
回覆刪除[版主回覆05/14/2009 11:15:00]我就係覺得佢易清潔!
Yeah go out with Gigi everyday, she will be leaving this afternoon and all my posts will take at least 2 weeks to clear . We had so much fun and so much FOOD!
回覆刪除[版主回覆05/14/2009 11:15:00]哈哈.........咁咪影咗好多?我都鍾意食多士架!
早晨!
回覆刪除好介紹,夠輕考!有得冧!
[版主回覆05/14/2009 11:15:00]係呀，好輕巧!
早晨！ 又買倒好野喎！好似真係幾好用！夠細，唔左地方！
回覆刪除[版主回覆05/14/2009 11:28:00]係呀，好輕巧!
呢個我係二姐家都見過
回覆刪除[版主回覆05/14/2009 11:28:00]咁佢話好唔好用呢?
佢話好好用架
回覆刪除[版主回覆05/14/2009 12:06:00]我都覺得好好用噃!
將軍澳嘛!
回覆刪除[版主回覆05/14/2009 12:06:00]咁去花園街睇下啦!
Pink for me pls.
回覆刪除[版主回覆05/14/2009 12:25:00]OK，無就幫你買紫色啦! 一陣約咗媽子同老豆飲茶，初步我睇中一張48"嘅梳化，咁媽子應該無問題的!今日要訂埋啦，因為送貨都要2星期，根本無可能過節入伙呢!
我而家睇返,原來妳呢邊d人唔見到我都會搵我架 好似妳係我果邊咁,一早唔見妳就個個都會問妳咁
回覆刪除妳今日唔洗返工咩?
佢地想佢隻x好番晒先返屋企!
睇吓打貢多字做乜?得我有睇妳咋
[版主回覆05/14/2009 18:38:00]你咁得人鍾意，人地梗係掛住你啦! 話我打漏字呀!
又幾盞鬼噃~咁"的式"ge~
回覆刪除[版主回覆05/14/2009 18:39:00]細細件唔阻地方嘛!
幾好噃.....我都有個類似的，不過係用电嘅！
回覆刪除[版主回覆05/14/2009 18:40:00]要插電好麻煩! 我今晚又炒粗炒呀!
這個食物處理器我未見過呀 , 不過會好快見到 , 通常跟住週街都有得賣 .
回覆刪除你奶奶點呀 , 好番都再休養多一陣囉 ....
主席 : 我睇到呀 " 佢地想佢隻好番晒先返屋企 " 呀
[版主回覆05/14/2009 18:42:00]好似已經周街有得買囉 醫生要奶奶出院，佢拆咗線可以出院，跟住做物理治療囉!但啲仔話要佢住多一個半個星期先出院喎，想佢隻手好番先出院!
呢隻野出左好來，上星期我抵唔住買左一個來玩。真係好用喎！我整再棵蒜頭搞到好幼細架！剛剛一個李錦記樽夠裝囉！慳力慳時間嘛！
回覆刪除[版主回覆05/14/2009 18:42:00]係好好用，我係用過得先介紹架!又唔阻地方!
呢個野真係好好用, 整磨菇忌掂湯一流呀, 妳講得岩丫, 以後對手唔使一陣味...
回覆刪除[版主回覆05/14/2009 18:43:00]係喎，整磨菇湯都得喎，不過我唔識煮磨菇湯喎!
細細個好方便又實用,花園街都有??等我去睇睇先
回覆刪除[版主回覆05/14/2009 18:44:00]開心快活人話係，但係我今日經過花園就唔多覺喎?
p.s. 我冇介紹錯呢!
回覆刪除[版主回覆05/14/2009 18:44:00]多謝你介紹啦!
沙田都有得買, 重有好多顏色架, 個sale樹重用薑蔥嚟試, 成條蔥放落去都得喎, 幾攪野...
回覆刪除[版主回覆05/14/2009 18:45:00]係呀，好鬼多color架!
好介紹，只可惜係澳門仲未見到有得賣...
回覆刪除[版主回覆05/14/2009 21:33:00]好快會有得買啦!
哇…呢個我啱用呀！
回覆刪除我最近去過兩次花園街，都唔見嘅？
[版主回覆05/15/2009 12:26:00]係呀，我噚日行過花園街都唔見喎!
果然係好介紹
回覆刪除[版主回覆05/15/2009 12:26:00]有好嘢梗係益下大家啦!