27~March~2009(五)
有雷雨
天氣涼涼地
19C~22C
成日都有雨
囡囡返咗新校兩日
唔知會唔會覺得我好煩呢
佢一放學我就問問問
當佢好細個咁
小心睇車過馬路呀?
見到綠燈都要睇清楚無車呀?
返學開唔開心呀?
等車等咗幾耐呀?
晏晝食乜呀?
放學要等幾耐車呀?
搭巴士時有男人摸你記得要大叫呀?
盡量唔好坐係男人身邊呀?
......................................
可能囡囡係女仔嘅關係
總是担心呢樣担心嗰樣
始終唔同男仔咁放心
我都話自己偏心架
今日放咗假去做身體檢查
檢查完約咗仔仔去食晏
佢話要去呢度食
佢平時返學都成日會係度食晏
好抵
$38一個餐+$3有支可樂
我叫嘅魚生定食
啲三文魚好厚架，每樣都有三片!
仔仔叫佢至愛
三文魚魚生飯定食
每個餐仲有沙律
叫俾仔仔食嘅日式炸蠔
我同仔仔講考完會考咪無得再嚟呢度食飯?
佢答我~所以呢排咪密密嚟呢度食囉!
唉~既然知道會咁
點解又唔俾心機讀書呢?
佢都知有幾多分已成定局
無論佢而家有幾勤力
都無法彌補之前的懶惰!
今晚唔shopping
求其咁係樓下食飯算
呢間就係我屋企嘅飯堂啦
啲例湯都幾足料好好飯架
兩餸一湯白飯.............兩碗!
仲有我至愛嘅紅豆冰...........好正有成半杯豆!
大老爺話佢自己行飽旺角先返嚟喎!
要留係屋企睇Laughing哥呀!
1
回覆刪除[版主回覆03/27/2009 21:33:00]你同主席一人一晚喎!
1
回覆刪除[版主回覆03/27/2009 21:33:00]你今次仲唔係手震!
太長啦
回覆刪除[版主回覆03/27/2009 21:34:00]你無嘢嘛，又話長，小心啲嘛!
333333333333333
回覆刪除[版主回覆03/27/2009 21:36:00]今日有進步喎!
2
回覆刪除[版主回覆03/27/2009 21:36:00]係亞囡喎!
(Empty)
回覆刪除[版主回覆03/27/2009 21:36:00](Empty)
點解會變成咁㗎！
回覆刪除[版主回覆03/27/2009 21:37:00]你手慢囉!聽日記得入嚟睇啦，有好嘢俾你!
LOOK 咗
回覆刪除[版主回覆03/27/2009 21:40:00]你補補身好喎，成日都暈?
真係！不過聽晚唔可以咁早同你地玩喇！因為kristen要去考試呀！
回覆刪除[版主回覆03/27/2009 21:47:00]咁咪得閒先入嚟啦!
頭先個教練唔放人游水游到7:45,之後佢地又玩水,我個心都唔知幾急呀,要趕返黎睇大結局呀 求其執d外賣返黎算啦
回覆刪除[版主回覆03/27/2009 21:54:00]我都係想睇大結局架!所以飛咗大老爺!
因為我有兩個女，所以我都同你一樣心態！完全一樣，尤其是依加係爸爸帶kristen返學，但上左subway佢自己行返學校，雖然是短短五分鐘路程，我都要佢朝朝喺學校門口打電話比我㗎！
回覆刪除[版主回覆03/27/2009 22:00:00]哈哈.......囡囡第日都係一落車就call我啦!
如月呀！其实我都係第一呀！ 係美加第一呢！
回覆刪除[版主回覆03/27/2009 22:16:00]哈哈.......你又嚟呢招?
我依家都開始係咁喇, 日日問欣欣今日食咩茶點, 有無飲水, 有無係學校除外套, 有無流鼻水, 仲有排長氣, 仲要煩佢好耐
回覆刪除[版主回覆03/27/2009 22:23:00]話晒係囡囡嘛!
我都有去外野手, 咁抵, 我又要去食先
回覆刪除[版主回覆03/28/2009 14:54:00]係喎，Frances話觀塘有間喎!
外野手我都去過,不過係官塘果間,
回覆刪除生日當天去,有"旦糕"食的呢~好有氣氛的~
[版主回覆03/28/2009 14:54:00]官塘間應該大啲係咪? 呢間好鬼迫架!
我剛剛才有空(胸), 入到你個blog都唔知排十幾了!
回覆刪除你就好啦還可以睇電視, 我只能撈最後新聞!
下星期六是清明節, 我們約該日是否唔多吉利呀! 我就無問題, 你知你幾八o架啦!
我記得欠你一餐, 但記住做「伴手禮」比我(你曾經應承我o架)! 我真係好唔怕「醜」, 成日追你。鬼叫我以熟賣熟咩!!!!!
[版主回覆03/28/2009 14:53:00]我而家都無能力教佢啦(懶咋)! 我無問題喎，咁約定啦，call你! 喂，我點整呀?要返工架!
我d 朋友都話擔心個女多過擔心個仔的
回覆刪除[版主回覆03/28/2009 14:51:00]係架，始終女仔會黏身啲!
我都係同妳一樣呀, 每日都係問相同既問題, 不過我既問題一定唔同妳, 我會問佢今日D飯有冇食晒呀? D餸好唔好味呀? 佢通常都會答我食晒呀, OK啦...跟住我就會話OK啦? 佢就會話excellent....因為D飯係我煮麻..
回覆刪除無論點都好, 一定要支線仔仔呀, 就算之前唔勤力, 而家努力都未遲架...
我今晚都好期待睇laughing哥點翻生呀....
[版主回覆03/28/2009 14:51:00]laughing哥無翻生呀! 你煮餸一定好好味啦，我就無時間為囡囡預備午餐啦!
媽媽的問長問短..做女兒的一定知道媽媽係出於關心自己，愛自己...所以不要怕女兒會覺得煩唔煩...因為做女兒的我們個心會好甜...
回覆刪除[版主回覆03/28/2009 14:49:00]應該唔會嘅，我講笑啫!
見到妳杯紅豆冰就
回覆刪除[版主回覆03/28/2009 11:41:00]我最鍾意紅豆架，乜嘢紅豆都鍾意!
碟甜酸肉好靓咁
回覆刪除[版主回覆03/28/2009 11:40:00]我都好鍾意食生炒骨架!
睇完個大結局 有d失望呢 laughing哥個段 唔加好過加啦
回覆刪除[版主回覆03/28/2009 11:40:00]個結局都係差少少!
你係我以前的翻版，同樣在兒女耳邊問長問短，與兒女的關系就是這樣不知不覺中建立起來了。今時今日已學習放手了，但心裡仍然好牽掛他們~~~愛：從來都是由上往下流的！天下父母心都一樣，現在我的爸媽仍牽掛著我和我的孩子，甚至孫BB呢！
回覆刪除[版主回覆03/28/2009 11:39:00]我唔係係你的翻版，係個個媽咪嘅翻版，好像你爸媽一樣，兒女幾多歲都係媽媽心目中的細路!
早晨早晨! 不論仔女幾多歲,做媽媽永遠都當自己的仔女係小朋友.成日擔心仔女.
回覆刪除[版主回覆03/28/2009 11:37:00]你好有三個女喎!
如月 你好! 本星期六係 "地球一小時" 熄燈活動, 可唔可以響應 晚上 8:30 熄燈一小時呀! 謝謝!
回覆刪除[版主回覆03/28/2009 11:37:00]會呀，囡囡最支持架!
哎 總之無女嘅就恨女 有女嘅就一定係擔心C啦
回覆刪除[版主回覆03/28/2009 11:36:00]你而家有個"女"啦~~啟詩嘛! 我已經整好俾SUGAR嘅禮物，你下星期邊日可以攞貨呀?
唔好話係你，我對住個女都係好似你咁講~琴晚睇完laughing後覺得好好笑
回覆刪除[版主回覆03/28/2009 15:07:00]點解覺得好笑呀?
得兩個囡咋,邊樹有三個咁多???
回覆刪除[版主回覆03/28/2009 15:06:00]唔好意思，之前見你啲相，以為你有三個女添!
俗語有雲 "養兒100嵗~長憂99" 每個父母都一樣架
回覆刪除紅豆冰好耐都無飲過 !
如月想請教整麵包要用甚麼粉最好 ?
[版主回覆03/28/2009 15:02:00]係架!做人亞媽咪明囉! 你想整包?若你去烘焙店買就買高筋粉，如果係去PK，可以買一種叫高級麵包粉都得!
女仔係要緊張o的架﹗費事佢蝕底比人啦﹗辛苦你啦媽媽﹗
回覆刪除我下星期會去維景食buffet慶祝奶奶生日，你食過啦呵？幾好食架呵？
[版主回覆03/28/2009 15:00:00]好彩你個係仔仔! 你去邊間維景呀?灣仔?
杯紅豆冰好好味咁喎 !
回覆刪除[版主回覆03/28/2009 14:59:00]係囉多豆又好味!最憎紅豆冰得啲啲紅豆!
嗚嗚~~後來都無交代過laughing哥D嘢啦~~~傷心
回覆刪除你女女知你關心佢 唔會覺得你煩噶~~
偏心??又唔會啊~~而且 一般嚟講 亞媽乜唔系會偏心個仔多D噶咩??
[版主回覆03/28/2009 14:58:00]係囉，咁不如唔好出laughing哥嗰場! 係架，女女親我嘛!
如月你真係一個好媽媽！我都有兩個女，但係我可能係係澳門啦，所以都好小咁同兩個女講野GE....
回覆刪除不過我想︰如果我咁問兩個女，佢地一定話我多餘....
[版主回覆03/28/2009 14:57:00]點解澳門會少講嘢架? 我個女好跟我架!
觀塘, 新浦崗我都去過
回覆刪除[版主回覆03/28/2009 15:36:00]新蒲崗好細!
我要向你呢個好媽咪多多学習呢！
回覆刪除[版主回覆03/28/2009 15:36:00]個個亞媽都係咁啦，你咁講...
而家既天氣真係好易令人又累又易病呀
回覆刪除[版主回覆03/28/2009 23:35:00]你病好未呀，好似又會凍喎!
基本好番啦。多謝關心
回覆刪除[版主回覆03/29/2009 14:58:00]咁以後小心身體啦!
唔煩 ... 一D都唔煩 , 可能第日我仲煩 . 因為女仔始終會擔心點 .
回覆刪除[版主回覆03/29/2009 20:53:00]做亞媽梗係咁架啦!
我都係好長氣o架，做阿媽自然變成長氣袋。
回覆刪除[版主回覆03/30/2009 17:20:00]有囡囡嘅亞媽都係咁架!