【豆腐芒果夾心芝士蛋糕】
[材料]~6"圓形模
[芒果夾心]
芒果茸100g，砂糖40g，檸檬汁1茶匙，魚膠片5g
*******************
[豆腐芝士材料]~6"圓模
忌廉芝士200g，糖60g，豆腐花200g，原味乳酪120g，魚膠7g
*******************
[餅底材料]
芝士餅碎60g + 牛油溶液35g + 肉桂粉半茶匙
*******************
[豆腐芝士做法]
(1) 忌廉芝士加入砂糖打至軟滑。
(2) 加入豆腐花及乳酪打勻。
(3) 將魚膠水加入芝士糊中拌勻，過篩一次。
(4) 將一半芝士糊倒入模中，放入冰箱冷藏半小時至凝固。
(5) 放上芒果夾心，加入餘下之芝士糊，放回雪柜冷藏最少3小時。
(7) 取出用脫模，做餅裝飾即成。
相片來自胡李媽媽
10~April~2010(六) 天氣 真係俾我攪到一"撻"糊塗 早前見T&P嘅檸檬SCONE 真係好想試下 因為簡單又健康(無牛油) 買齊材料 用咗呢支檸檬汽水試下 唔知係咪呢隻汽水唔夠甜? 做出嚟無乜檸檬味又唔夠甜 又唔知係咪外國嘅麵粉 吸水力係咪好啲呢? 我照個譜做出嚟 個粉糰好鬼濕 三杯自發粉 一杯忌廉 一杯檸檬汽水 濕到灑咗好多麵粉都搓唔到 一搓就痴到成手都係 用個麵包刮幫手都攪唔掂 加完又加 加極粉都唔掂 加到無晒麵粉 又唔想浪費咗個粉糰 唯有搵少少中筋粉頂住先 把鬼火 灑啲乾粉落個模度照吸 個個都不成形 照焗 終於攪掂 攞晒返公司同同事分享 佢地又話OK喎 但我個人覺得唔夠味 係咪要買支甜少少嘅汽水呢? 濕，係咪因為唔同麵粉嘅問題呢? 聽日 聽日我會調節過個份量 再戰嘅!!!
