10~July~2010(六)
奶茶
香港之寶
相信無人不識
連國內同胞成日都嚟偷師
祇為了做出
美味香滑的絲襪奶茶
呢一間係我飲過最好飲嘅一間奶茶
佢唔係乜乜蓮推介餐廳
祇係一間很少的麵包店
每天為我地呢班上班一族
送上熱辣辣的麵包同奶茶
若是返工的日子
每天我都係一杯奶茶
同一個墨西哥包
這樣就可以支持我一天的工作
嗰朝無飲奶茶就會
麵包都係新鮮出爐
好過食其他集團的隔夜麵包
你地而家知我為乜咁懶
無整包咁耐呢!
成日同自己講
唔好食菠蘿包
唔好食墨西哥
又成日忍唔住買嚟食
實在太好食啦
所以攪到咁嘅身世!
你愛吃這兩種面包都用好多油!
回覆刪除[版主回覆07/15/2010 16:02:00]我都知，有時忍唔到!
個包點解有個窿既
回覆刪除[版主回覆07/15/2010 16:01:00]咁啱俾人偷食啫!
早兩日CY先問我 墨西哥包係咩樣架
回覆刪除[版主回覆07/15/2010 16:01:00]咁你整俾佢食囉!
我本來都係朝朝一杯奶茶,而家就轉咗咖啡
回覆刪除[版主回覆07/15/2010 16:00:00]你變咗心啦
墨西哥包我又愛又恨，愛佢實在太好味，恨佢實在太肥膩
回覆刪除[版主回覆07/15/2010 16:00:00]你咁.........怕乜食呀!
奶茶我不太喜歡喝呢! 反而墨西哥包就好喜歡 我既身世仲慘過你.
回覆刪除[版主回覆07/15/2010 15:59:00]我兩樣都咁鍾意!
你挑起我條筋想整菠蘿包添
回覆刪除[版主回覆07/15/2010 15:59:00]整啦整啦!最好沖埋奶茶!
一日既好開始 早餐好緊要呀 !!! k
回覆刪除[版主回覆07/15/2010 15:59:00]無錯!
我以前返工果陣都係奶茶鬼黎架, 每日都一定要飲, 有時仲會一日三餐飲足三杯添 ....... 終於飲到連我個胃都頂唔緊, 扯晒白旗, 每次一飲就即嘔 !! 依家轉飲咖啡 !!!
回覆刪除[版主回覆07/15/2010 15:59:00]嘩，你好誇張噃! 咖啡咪一樣咁!
我以前要返工時都是幫襯公司附近的細細間的麵包舖，這些不出名麵包舖不停咁新鮮出爐，SIZE大些價錢又平些，好食過那些大集團的麵包多多聲。
回覆刪除[版主回覆07/15/2010 15:58:00]係呀，細間啲麵包店仲新鮮!美針啲送俾我都唔食!
咪係囉，你都知呢d包好勁多油多糖啦，成日話自己飲奶茶唔落糖，食一個包d糖都有突你杯奶茶落個dd啦，傻豬！成日話整野食要少甜都無用啦！
回覆刪除[版主回覆07/15/2010 15:58:00]我忍唔到，諗住墨西哥無菠蘿咁肥，有時我都會食豬仔包咋!
我朝朝都食個早餐先返學，唔食唔安樂呀!
回覆刪除[版主回覆07/15/2010 15:57:00]我返公司先食早餐架!
我都係好鍾意飲奶茶咖啡..但係隻胃唔爭氣..唔可以日日飲.
回覆刪除[版主回覆07/15/2010 15:57:00]咁你應該好fit啦!
我都係奶茶癡，飯可以唔食，奶茶唔可以唔飲。哈哈！我巳經中毒太深了！
回覆刪除[版主回覆07/15/2010 15:56:00]我都係架!give me five!
其實我冇乜所謂 ... 有時飲奶茶, 咖啡, 檸茶....唔飲又得... 但係就會眼訓D囉..... 算唔算唔飲唔得呢??
回覆刪除[版主回覆07/15/2010 15:55:00]唔得架，每朝咁早起身，唔飲奶茶會眼瞓架!
我係咖啡痴, 每日都要飲一杯先得~~
回覆刪除[版主回覆07/15/2010 15:55:00]咖啡我少飲!
我老公都係每日一杯奶茶,唔飲會頭痛,
回覆刪除我樓下都係賣隔夜麵包,食到老公口都歪埋,不過冇辦法
[版主回覆07/15/2010 15:55:00]最怕麵包硬，美針我都唔鍾意架!
我都好LIKE飲奶茶, 唔飲唔精神架!
回覆刪除呢間V-8我以前返工都成日幫襯架, 不過佢分店少而家好難揾到啫!
[版主回覆07/15/2010 15:54:00]係架，你返工幫襯?中環?金鐘?
我都係要每日一咖啡，先有精神架
回覆刪除[版主回覆07/15/2010 15:54:00]咖啡我少飲!
見到你個包包~ 令我諗番起N年前買咗本菠蘿包食譜書，而家學識咗搓包，等我又玩吓自家製菠蘿包/墨西哥包包先~
回覆刪除[版主回覆07/15/2010 15:54:00]你而家整包好叻啦，我好耐無整lu!
我飲唔倒奶茶 & 咖啡 , 飲完會
回覆刪除[版主回覆07/15/2010 15:53:00]所以你咁fit!
依2樣包包都俾我地屋企BAN左呢
回覆刪除因為媽咪同我怕肥..哈哈~~
不過如果係我整咖呢..
我就一定逼佢地食
[版主回覆07/15/2010 15:53:00]我都肥成咁囉，無乜所謂啦
我都好愛奶茶GA!
回覆刪除[版主回覆07/15/2010 15:52:00]我都係!
好懷念香港嘅奶茶!
回覆刪除[版主回覆07/15/2010 15:52:00]有冇諗過自已沖?
菠蘿包/墨西哥好似, 請問有咩分別呢? 同埋點解人地話菠蘿包好肥, 是否因為面頭果層皮好肥呢? V8呢間d包包好新鮮, 好好味~ 唔通我地住埋同一個屋苑?
回覆刪除[版主回覆07/15/2010 15:52:00]呢間v8唔係屋苑架!
V8既菠蘿包最出色, 最好食! 有時仲會食佢個菠蘿紅豆包添, hehe~
回覆刪除[版主回覆07/15/2010 15:46:00]yeah!
奶茶是我每日的精神食糧, 沒有奶茶我會頭痛架, 當然可以用咖啡取代, 但我都係愛奶茶多一點....
回覆刪除[版主回覆07/15/2010 15:46:00]有時唔飲我都會頭痛架!
我都勁鐘意飲奶茶 !! 因為杯奶茶, 我不知幾慶幸自己係香港, 因為香港既奶茶實在太好飲, 唔係台灣既奶茶可以比美 ~~ 香港茶餐廳文化萬歲 ~~
回覆刪除[版主回覆07/15/2010 15:46:00]係呀，香港人好幸福!
佢地不是間間分店的水準都咁好, 海怡半島那間就越來越差了.
回覆刪除[版主回覆07/15/2010 15:46:00]乜佢有好多分店咩?
奶茶我都好鐘意飲，奈何每次飲完個胃就怪怪，無哂胃口。你唔好話…咁咪好囉，成機減肥嘛。唔係呢隻呀，係想嘔個隻呀 。
回覆刪除[版主回覆07/15/2010 15:45:00]好多人都會咁!
我以前每日最少要飲1杯奶茶的, 不過前年睇過中醫, 佢話我如果要飲這類飲料, 飲咖啡好啲, 所以現在每日改為飲咖啡, 間中才飲奶茶, 不過講真, 奶茶味係好味啲!
回覆刪除[版主回覆07/15/2010 15:45:00]我知奶茶係垃圾食物，可惜香港人中毒已深!
奶茶、墨西哥包同菠蘿包都係我嘅至愛，吊左癮好耐啦
回覆刪除[版主回覆07/15/2010 15:45:00]菠蘿包唔敢食咁多，諗住墨西哥包上面塊細啲會無咁肥!
自己冲嗰D唔同架, 我都係落糖同花奶, 應該係D茶唔同, 沖唔到嗰隻味!
回覆刪除[版主回覆07/15/2010 22:06:00]港式奶茶班我都上過，遲啲我組織過再同你地分享下好嗎?
亞 Yan, 等我呢個前奶茶鬼教你啦, 你可以將 3個 (起碼 !!) 紅茶包 + 1個潽洱茶包, 加2/3杯水, 放入微波爐叮到滾, 攞番出黎等多1分鐘, 掉走個 d 茶包, 果陣時剩番低既茶大約 1/2杯, 而且仲黑過廿四味, 之後再加 1:1 淡奶 ........ 真係好味到升天架 !!! 以前我响公司吊奶茶 "引" 果陣就會咁沖黎飲架喇 !!! 你地都試吓啦 !!
回覆刪除[版主回覆07/15/2010 22:06:00]茶精，我以前未上奶茶班時，就用馬莎嘅英式紅茶茶包2個，加一個伯爵紅茶茶包，用小煲滾一滾，在杯中加入1/3花奶，撞入紅茶就好正架啦，有7成似架! 但未試過用普洱茶包，等我做下實驗先!
小月月, 咖啡同奶茶唔同架, 奶茶 = 紅茶 (鹼性) + 淡奶 (鹼性), 所以變咗純鹼, 一定要用好多胃酸黎消化佢, 如果個胃本身弱弱地既, 一飲奶茶就會好似消化不良咁, 頂著頂著, 而我呢, 因為長年勁飲既關係, 已經去到一飲就會嘔既階段 lu !!!
回覆刪除我而家飲咖啡, 都只係一日一杯, 重要搵 d 好飲既先黎飲, 無謂浪費 quota !!
[版主回覆07/15/2010 22:06:00]我無咁深入研究，祇係聽過奶茶對個胃唔好咋!
好呀好呀! 會好期待! 多謝Caroline ! 等我即刻試下, 不過好似冇潽洱茶包喺到喎!
回覆刪除[版主回覆07/16/2010 22:07:00]咁你要密切留言噃
你幫襯?中環?金鐘?---- 我幫襯炮台山o個間架(唔知而家仲有冇?)妳呢?
回覆刪除[版主回覆07/16/2010 22:07:00]我係金鐘返工架，我淨係知佢係灣仔有分店!
我以前都係金鐘QGO返過工, V-8係唔係在金鐘廊頂層 ?
回覆刪除[版主回覆12/15/2010 22:27:00]我咪係返QGO囉! 係金鐘廊呀!