3~June~2009(三)
天陰
27C~29C
Yahoo又有問題啦!!!
每日瀏覽人數都超過300百
今朝一睇得番百零個
仲以為啲人去晒邊添
點知再睇下個
"今日瀏覽人次"係"0"喎
就知道係yahoo又出現問題啦
因為一早我已經覆咗好幾位blog友嘅回應
咁又點會係"0"呢!!!
統計資料
今日瀏覽 0次
累積瀏覽 300757次
昨日人次 117次
累積人次 68108次
訂閱者 151位(訂閱者資料)
網誌 908篇
圖片 4949張
回應 28873篇
被引用 4次
今日返咗工
可能休息咁多日
個人好似得個殼返咗工
魂魄都唔齊咁!
做咗兩三個鐘先叫做好番少少
可以的話
真係想休息埋今日呢!
乜而家啲菌咁犀利
感冒都咁辛苦!!!
今晚唔會去做瑜伽
無謂倒轉個頭會暈咗係度
諗住call大老爺請假唔煮飯
叫佢買外賣算
點知佢個電話唔知係咪無電
call咗成日都call唔到
成日都係咁嘅
想搵佢嘅時候就搵唔到
唯有死死氣咁去吉吉買餸煮飯
真係可以死唔可以病呀!
返到屋企仲激氣
大小姐又係度玩電腦
由我未開始洗菜叫佢熄機
到我煮好第一碟餸
都係話"得啦，得啦"
真係唔想再理佢，由佢自生自滅!!!
是日晚餐
~梅菜肉餅~
呢個係現盛係吉吉買架
都唔平，一盒又驚唔夠食
兩盒就成$40
唔係唔舒服，真係自己挅好過!
~蕃茄蛋煮腸仔~
仔仔好鍾意呢味餸架
送飯最好!
~旺菜煮鮑片~
呢個唔係真鮑呀，邊有Darling咁富貴呀
仿鮑片都係$20一包
煮下菜都唔錯!
1
回覆刪除[版主回覆06/03/2009 21:34:00]勁呀，四個一齊入嚟!
1
回覆刪除[版主回覆06/03/2009 21:35:00]今日唔係碌過龍嘛?
2
回覆刪除[版主回覆06/03/2009 21:35:00]點解你知自己攞唔到第一嘅?
3
回覆刪除[版主回覆06/03/2009 21:36:00]亞四先啱!
梗勁4........yahoo真係玩嘢呢！
回覆刪除[版主回覆06/03/2009 21:36:00]係咩?乜yahoo有問題咩?
哈哈...nana 主席你今日陪我退位
回覆刪除[版主回覆06/03/2009 21:37:00]今日主席攞唔到第一你咁開心嘅?
我今日有D手震,唔知係唔係食咗鮑魚呀 我都整遲D有得睇
回覆刪除[版主回覆06/03/2009 21:37:00]你都整....乜呀，唔明喎!
今晚好D未呀?早D休息啦
回覆刪除[版主回覆06/03/2009 21:38:00]會啦，食咗啲藥好鬼攰架!
勁呀，四個一齊入嚟!
回覆刪除我唔係專登退架,手震呀
回覆刪除[版主回覆06/03/2009 21:41:00]專登..........手震.........好高難度喎!
而家D菌好似越黎越厲害,食藥都幫唔到幾多.多D休息啦.
回覆刪除[版主回覆06/03/2009 21:40:00]食咗藥已經無咳啦，好好多，不過食咗啲藥會wing wing地架!
我今日得咗啦.
回覆刪除[版主回覆06/03/2009 21:40:00]咁係咪開心到瞓唔著呀?
有時我都覺佢 count 啲人數怪怪
回覆刪除[版主回覆06/03/2009 21:39:00]今日直情係0喎!
乜你囡囡Ｄ金句同我個女嗰Ｄ一樣。我個女又係咁，話親佢佢就答你："得啦。"
回覆刪除[版主回覆06/03/2009 21:45:00]仲有一句"就得"
唔明就打多一次
回覆刪除唔知係唔係食咗 鮑魚 呀 我都整咗遲D有得睇
[版主回覆06/03/2009 21:49:00]我 都 整咗.............呢句咪係有問題囉! 我係整鮑 片 呀，邊有你咁富貴食鮑 魚 呀!
哈哈...有主席陪我更係開心... ""得啦"係我大仔專利...因為佢又係咁..
回覆刪除[版主回覆06/03/2009 21:55:00]你個大仔都好細啫，但我個囡咁大都唔生性!
食鮑魚唔洗要好富貴喎 妳有無去街市睇要幾多錢一斤咩
回覆刪除[版主回覆06/03/2009 22:02:00]點都貴過鮑片架!
唔駛咁勞氣啦! 到考試前一日你唔叫佢溫書都會自己拎起本書嚟睇架啦! 安心養病啦!
回覆刪除[版主回覆06/03/2009 22:08:00]考啦，15號考啦，仲要等到14號呀?
不過妳而家講緊嘅係 富貴 唔係 邊個貴 喎
回覆刪除妳係咪食咗藥呀
[版主回覆06/04/2009 06:28:00]總之貴過我包鮑片就係 貴 啦! 唔好蝦我食咗藥呀，我好清醒架!
佢仲細, form 3啫... 我記得想當日我form 3嗰時都冇乜點溫過書, 日日放咗學就同d同學周圍去, 放一點一就去到成五點幾先返屋企
回覆刪除會考嗰時仲大滯, 臨考之前嗰日仲同二家姐日日去行街, 行到成五點幾先返屋企, 返到屋企都係溫到七點架咋, 過咗七點就算溫唔完都唔會再攞起本書嚟睇, 咁就第二日走去考試架啦!
[版主回覆06/04/2009 06:27:00]放一點五點先返屋企............實俾我趕出家門呀!
如月,,,晚安呀~~妳都算唔話得,,病都可以煮飯,仲要係三個餸添..好叻呀妳!! 換轉我一定外買算架喇~~ 我今日無病無痛都係食外買壽司咋...
回覆刪除[版主回覆06/04/2009 06:26:00]哈哈.........通常我呢個時間都瞓咗啦! 無法啦，call唔到大老爺買外賣! 記得搭巴士帶多件衫呀!
你唔好咁勞氣啦, 好傷身架 ! 我以前讀中4先開始發奮呢
回覆刪除[版主回覆06/04/2009 06:25:00]都勞氣唔到啦，把聲都無氣咁!
have a cup of hot tea
回覆刪除[版主回覆06/04/2009 06:24:00]返到公司會有杯熱奶茶架!
做吓豬豬啦...
回覆刪除[版主回覆06/04/2009 06:24:00]爛瞓豬!
早晨早晨! 你囡囡同我個女一樣。話親佢佢就答你："得啦。"
回覆刪除你真係要認認真真抖吓啦!如果唔係病多二錢重,你重辛苦呀!
[版主回覆06/04/2009 06:23:00]早晨呀~乜個個年青人都係咁架! 無法啦，又搵唔到大老爺，想叫佢買外賣都唔得! 又唔想出街食喎!
仲未好番就唔好煮, 抖下啦.......叫外賣咪得囉......
回覆刪除依家 d 細路個個都係咁, 如果有一日唔比佢地上網...打機....send 短信, 唔知佢地會做乜呢 ?!
[版主回覆06/04/2009 08:46:00]早晨呀~call唔到大老爺買外賣，咪唯有買餸囉!我嗰度無外賣架! 都唔知要鬧到幾時呀?
唔好勞氣，乜都少理，自己休息要緊！
回覆刪除[版主回覆06/04/2009 08:47:00]早晨呀~我都費事理佢，把聲都未好得晒!
早晨呀....呢d叫放假後遺症呀....哈哈!!
回覆刪除你依家雖然好左d呀....不過都要小心身體呀....多多休息啦....
[版主回覆06/04/2009 09:41:00]早晨呀~係呀，我會啦，我好鍾意飲凍嘢都無飲四五日啦!
係呀，啲細路唔聽講，把口就話唔想理，但一定做唔到呢!
回覆刪除你重未好返呀!咁不如去食吓中藥清吓個底啦!
可以死唔可以病，好多人o既心聲呀!
[版主回覆06/04/2009 10:14:00]早晨呀~差不多好番啦，不過今日仲係好溫柔(把聲呀)!
如果我係你
回覆刪除一定自己買外賣算啦
仲要係由個囡囡打電話去叫外賣
佢想食乜就叫乜
咁佢就唔得閒玩電腦啦
而你又唔駛咁辛苦
尋晚好熱呀
煮飯仲要熱tim
真係暈咗點算喎~
[版主回覆06/04/2009 10:13:00]早晨呀~我個度好麻煩，無外賣叫架，要外賣就要叫大老爺買番嚟，因為我買的話，大老爺又成兩個鐘後先返嚟，咁咪凍晒囉! 噚日煮完咪去瞓一陣等大老爺返嚟開餐囉!
How are you feeling today???? I couldn't leave a message at this post last night ah, so I left it at your previous post, Yahoo really is having problem lately!
回覆刪除[版主回覆06/04/2009 11:56:00]早晨呀~幾好，不過仲係好溫柔!(細聲咗) 但係噚晚有好多人留咗言喎!
早晨 好番D嘛
回覆刪除咪咁操勞喇 樂富有間茶餐廳响以前細街市度呀 D嘢食都唔錯 可以買外賣架
[版主回覆06/04/2009 11:56:00]早晨呀~係大老爺放工時間好晏，所以我無買外賣，又call唔到佢買!自己又唔想落街!
YAHOO 的零指數已經係幾日了...對佢都冇哂反應...
回覆刪除應該好番好多了嗎...妳有冇食哂D藥呀...
[版主回覆06/04/2009 11:57:00]早晨呀~佢個指數好似停留咗係前日咁! 好啲啦，仲有半日藥!
今日好左好多啦..right? 咁事後有冇問番大老爺, 做咩個電話唔通呀? 又要煮飯, 真係辛苦晒你啦~
回覆刪除[版主回覆06/04/2009 11:57:00]早晨呀~佢話無開喎!
你一病個yahoo就出事o勒.... 我諗要你好返佢至好返喎.....
回覆刪除[版主回覆06/04/2009 14:00:00]唔係化.........咁我要快快好番先得!
如月,好返Ｄ未呀？呢排Yahoo真系好唔掂,好難先至入到黎.陰公家庭主婦冇sick leave架,你唔舒服咪煮少餐啦,日日都３餸１湯,真系難為了媽媽！
回覆刪除[版主回覆06/04/2009 15:57:00]好番好多啦，不過食咗啲西藥好散，個人好攰! 咪係囉，都無湯，好簡單啫，不過個肉餅同自己整嘅差好遠呀!
今日好D未??小心身體,現流感好勁,好多卜友病左
回覆刪除[版主回覆06/04/2009 16:43:00]好番好多啦，不過食咗啲西藥好散，個人好攰! 係呀，我都無試過傷風感冒會發燒嘅!
咁辛苦仲煮，唔叫送外賣？
回覆刪除[版主回覆06/04/2009 17:06:00]無法啦，call唔到大老爺!
我係話有d餐廳肯送外賣的！
回覆刪除[版主回覆06/04/2009 17:16:00]我住嗰度無架!
我好鬼怕凍架....緊有擺定條披肩係袋度..但係有時都頂唔順架...
回覆刪除[版主回覆06/04/2009 18:45:00]我都好怕冷氣架，所以一定有件衫係袋!
呢個動畫好搞嘢喎！真係好似阿九返工嘅樣呀....
回覆刪除好嘢喎，如月！病咗都咁好餸...
[版主回覆06/04/2009 21:01:00]都係啲簡單嘅餸咋!
最近d病毒好勁, 好難好架, 要休息多d同飲多水呀
回覆刪除[版主回覆06/04/2009 21:02:00]真係好犀利咁，我日日都飲好多好多水，因為食咗啲藥都會好口渴！
yahoo到宜家都仲未好番呢~~ 病左都仲煮飯, 你真係廿四孝媽媽!
回覆刪除[版主回覆06/05/2009 09:02:00]咪係囉!都唔知幾時好番，一樣壞完又一樣! 無法啦，出街食咁多無益!
您病得咁唔舒服仲煮? 您樓下都有酒樓架?
回覆刪除[版主回覆06/05/2009 13:58:00]我樓無茶樓架，得間茶餐廳，就係唔舒服先唔想出街!求其咁煮啲嘢算!