2~June~2009(二)
天陰
27C~30C
噚日發燒
醫生都係俾一日病假
好失望
今日個人仲係差少少
都係自己請多日假休息下
朝早叫咗囡囡返學
就同大老爺食埋早餐
先返屋企瞓過
點知瞓得一個鐘
大少個鬧鍾係咁響
響足一個鐘襟足十幾次(每間5分鐘響一次)
佢都唔願起身
攪到我瞓唔到
起身執下屋，跟住出去食晏!
醫生啲藥得二日
今晚會食晒
唔想聽日又off去睇醫生
(已經放咗兩日假啦)
所以下午去睇多次
攞多兩日藥食，順便叫醫生寫埋今日假紙
今日呢個係女醫仲問我一日夠唔夠添!
唔係好想出街食
睇完醫生順便係超巿買少少嘢
煮啲簡簡單單嘅餸
最緊要係我想食湯飯
~雜錦冬瓜粒湯~
超巿乜都無，連草菇都無
改咗用冬菇，連蝦都無!
我嘅湯飯
食藥食到口寡寡
濕濕地好好味!
~洋葱小牛扒~
用牛扒分開三段煎好加洋葱攪掂
~煎三文魚扒~
~XO醬炒翡翠苗~
呢排翡翠苗好正，囡囡又鍾意食喎
用咗硬琳嘅XO醬炒
辣辣地無咗啲草青味，好好味!
1
回覆刪除[版主回覆06/02/2009 21:34:00]依然係你!
1
回覆刪除[版主回覆06/02/2009 21:35:00]連敗兩日喎!
1
回覆刪除[版主回覆06/02/2009 21:35:00]差少少咋!
4
回覆刪除[版主回覆06/02/2009 21:36:00]最叻係你啦!知道做咗亞四!
今餐全部我都好鍾意..啱晒我胃口 ...正..主席..如月..NANA
回覆刪除[版主回覆06/02/2009 21:36:00]係咪架，全部都啱口味?
如月好返d未呀?
回覆刪除[版主回覆06/02/2009 21:37:00]好啲啩!不過而家好眼瞓!
唔舒服就唔好返工啦.休息多D啦.
回覆刪除[版主回覆06/02/2009 21:38:00]放咗兩日啦，聽日都要返工啦!
mama妳好呀
回覆刪除[版主回覆06/02/2009 21:41:00]我要瞓啦!
次次都輸比主席同MaMa.
回覆刪除[版主回覆06/02/2009 21:42:00]佢地兩個好犀利架!
仲未好返呀??阿大問係係要隔離妳 同叫我呵返妳呀
回覆刪除[版主回覆06/02/2009 21:43:00]未呀，不過聽日都要返工啦，唔係做C個拍擋! 做乜阿大咁話你啫? 咁你錫啖我啦!
湯飯好正
回覆刪除[版主回覆06/02/2009 21:46:00]夏天我好鍾意咁食架!
好正啊！你要休息多點！
回覆刪除[版主回覆06/03/2009 06:11:00]早晨呀~今日返工啦!
生病就飯都唔好煮啦, 咁辛苦, 要訓多d呀
回覆刪除[版主回覆06/03/2009 06:11:00]早晨呀~噚日已經瞓咗好多啦!
食咗藥...早d瞓啦...唔好同圍行住喇....保重...
回覆刪除[版主回覆06/03/2009 06:12:00]早晨呀~瞓醒啦!
開口問佢攞多日sl吖嘛!!!!
回覆刪除[版主回覆06/03/2009 06:12:00]早晨呀~已經請咗兩日病假啦!
病起上嚟真係好辛苦,如果未好番最好休息多日啦,小心身体呀~如果唔係點睇妳d美食呢?
回覆刪除[版主回覆06/03/2009 06:13:00]早晨呀~已經放咗兩日病假啦!
冬瓜湯瓜, 病嘅時候食就至啱呀!! 祝你早日康復呀!!!
回覆刪除[版主回覆06/03/2009 06:13:00]早晨呀~濕濕地幾好架!
祝早日康復~
回覆刪除成日同都唔記同你講，多謝您嘅美食呀
[版主回覆06/03/2009 06:14:00]早晨呀~多謝你呀!
仲未好番呀...要休息多啲..飲多啲水好啵~~
回覆刪除[版主回覆06/03/2009 06:14:00]早晨呀~未呀，不過今日返工啦!
發燒食啲湯飯会舒服啲！好好休息呀....等你教我煮好餸呀！
回覆刪除[版主回覆06/03/2009 06:14:00]早晨呀~嘩......你煮嘢咁叻，使乜我教你啫?
今日好番d未呀?
回覆刪除[版主回覆06/03/2009 06:15:00]早晨呀~剛瞓醒，好啲啩?
唔舒服就休息多啲, 飲多啲水, 食多啲生果, 好快又變番超人架啦...哈哈...
回覆刪除[版主回覆06/03/2009 06:16:00]早晨呀~我唔敢食生果呀，咳......所以乜嘢生果都無食!超人............
唔好煮飯喇~!叫住外賣頂住先嘛~!好好休息下喇~!老友~!
回覆刪除[版主回覆06/03/2009 06:18:00]早晨呀~我呢度無外賣架，出街食又唔想行! 今餐都係分幾次預備，都好易啫!
病了仲出街買餸！！要多休息才會快好的，唔好成日心掛掛去忙，最要緊休息睡覺啊！
回覆刪除[版主回覆06/03/2009 06:18:00]早晨呀~因為唔想出街食囉!噚日瞓咗好多啦，今日返工!
早晨早晨! 病就飯都唔好煮啦, 咁辛苦, 要休息多啲呀
回覆刪除[版主回覆06/03/2009 06:19:00]早晨呀~唔使返工都可以煮到，今日返工就唔知煮唔煮到啦!
早晨, 今日係咪好好多喇, 剛好番, 呢兩日都唔好太粗勞喇 !
回覆刪除[版主回覆06/03/2009 07:52:00]早晨呀~好啲啩，我個人好奇怪，有嘢做就精神! 今日返工啦，而家係公司!
好番d未呀?
回覆刪除[版主回覆06/03/2009 07:53:00]早晨呀~今朝我對眼好似睜唔開咁，仲係好眼瞓!
早晨, 今日上班不要吹正冷气，休息多點！
回覆刪除[版主回覆06/03/2009 07:54:00]早晨呀~已經係公司啦，都唔明白啲巴士同地鐵做乜開到咁大冷氣啫!
早晨呀 ! 今日有無好 d 呀 ?
回覆刪除以後一作病要即刻去睇醫生, 唔好等到頂唔順先去呀 我上星期唔妥就即刻飲左幾日凉茶, 依家好番晒啦, 如果係感冒, 我都係信中醫多 d.......
我呢兩日都想食翡翠苗, 但行左幾間超市都無得賣
[版主回覆06/03/2009 10:41:00]早晨呀~無咳咁多，不過食咗藥wing下wing下咁! 我通常都係食啲成藥唔得先睇醫生架! 我呢兩次都係PK買咋!乜你度無咩?
我未試過煮翡翠苗, 下次試下先...
回覆刪除[版主回覆06/03/2009 10:40:00]早晨呀~囡囡話幾好味喎，不過都好草青味架!
hi 你多些休息牙,,祝早日康復,,,順便thanks你教榴槤布甸做法,,,我做左,,好好味牙
回覆刪除[版主回覆06/03/2009 10:39:00]早晨呀~我會啦，多謝! 榴槤布甸個譜我做咗試驗品，已經改良咗，好味就好啦!
依家d細菌太勁嗱....真係好小心身體....
回覆刪除[版主回覆06/03/2009 10:38:00]早晨呀~係囉，睇個醫生都話我好少發燒架，都唔明點解你又俾得一日病假我囉!
個醫生咁問你，你緊係話唔夠啦，叫佢寫定先，否則有乜變化都可以休息多一日嘛。保重呀，天氣唔好呀!
回覆刪除[版主回覆06/03/2009 10:37:00]早晨呀~已經放咗兩日，唔好意思嘛! 不過今日返工都係wing下wing下咁!
今日好返D未呀?飲多D水呀..最好瞓下喇..你6點幾起身..咁早GA..
回覆刪除[版主回覆06/03/2009 10:36:00]早晨呀~仲係wing下wing下咁!飲咗成煲水啦，食啲藥好口渴架!6點起身.........我日日都係咁架，要叫大小姐起身呀!
我冇巡幾日,點一睇就見你病咗!你今天好些嗎? 你真勁!病都仲煮飯,你哩個CEO是一百零一百分的CEO
回覆刪除[版主回覆06/03/2009 11:14:00]剛剛都想入下你度架! 今日無咁咳但個人wing下wing下咁! 有冇咁多分呀，病咗係屋企，唔瞓嘅時候又整少少，整啲簡單啫!
天氣差更加要保重,有無帶傘呀.落大雨!
回覆刪除[版主回覆06/03/2009 11:12:00]有呀，天氣真係好唔穩定!
你點呀! 好番味! 你個背景d波波睇到我眼花花!
回覆刪除[版主回覆06/03/2009 11:57:00]你老花咋!邊樹花啫?
多D休息吓 咪咁操勞啦
回覆刪除快D好番請妳食飯
[版主回覆06/03/2009 11:58:00]知道啦! 咁我要快啲好番先得啦! 好開心又見到你呀!
(Empty)
回覆刪除[版主回覆06/03/2009 14:55:00]午安呀~!
係澳門又真係未見過呢類菜苗呀！係咪真係好好味呢....
回覆刪除[版主回覆06/03/2009 20:01:00]睇個人喜好，佢有啲草青味，我就覺得幾好味!
你點呀...依加重有冇事呀！ 有冇食下d維他命c呀....
回覆刪除[版主回覆06/03/2009 21:00:00]食咗醫生啲藥，己經無咳但個人好眼瞓囉!
不時你有冇食維他命之類嘅野呀... 我地呢邊好興㗎...特別係維他命c，每日兩粒... 我再加鈣片，不過有時成日都唔記得食㗎！ 對身體會好d㗎...好小病痛㗎！
回覆刪除[版主回覆06/04/2009 06:21:00]我有食中成藥架，調理身體!
我在你新那篇留不到言，Yahoo又。。。
回覆刪除[版主回覆06/04/2009 06:22:00]係啦yahoo又唔知攪乜鬼!