18~June~2009(四)
天晴
29C~30C
做咗幾日人肉紙板
聽日要返工啦
無端端又話中學可能停課
攪到啲中學亂晒手腳
囡囡學校都變陣
因為呢兩個星期考緊試
學校唔想學生差少少考唔完個試
噚日出咗份通告
話要將下星期嘅兩科考試
改早在本星期六考
咁就衰啦
囡囡仲諗住有大把時間溫
而家騰晒雞
都唔知溫邊樣好
佢唔聽我講咪出事囉
一早叫佢早啲溫書又唔聽
而家都唔知溫得邊樣好!
噚日都好彩有我係度
仔仔先會識醒去考試
瞓到唔知醒，死未!!!
呢幾日因為有時間係屋企
都整咗幾樣嘢
都係跟Darling整嘅
先講呢樣先啦
【芒果涼粉豆腐布甸】~(食譜按此)
今次仲搵個攪拌器
又有個大芒果係度
咁就整咗芒果汁伴豆腐布甸食
因為仔仔囡囡唔鍾意食紅豆架
我仲有個食法好好味的
涼粉伴豆腐布甸
呢個食法我勁like
個布甸好滑好正
多謝Darling諗個咁好嘅譜譜分享出嚟!
錫晒你!
唔好意思，我按我的口味改咗個譜譜少少!
1
回覆刪除[版主回覆06/18/2009 21:52:00](Empty)
2
回覆刪除[版主回覆06/18/2009 21:52:00]今日我係咪你愛人呀?
如月..硬琳
回覆刪除[版主回覆06/18/2009 21:53:00]使唔使開心成咁呀!
HI MaMa , 如月...今晚主席去左.... 少個人爭
回覆刪除[版主回覆06/18/2009 21:49:00]乜愛人話咗你知佢去咗............ 係喎佢去咗游XX喎，我差啲都唔記得，老人痴呆又發作，又要食藥啦!
今晚得我硬琳玩..我之前仲忍住唔去廁所住...不過都忍得值得..攞第1..
回覆刪除比MIKEMIKE見到芒果豆腐布甸一定幫你清晒佢
[版主回覆06/18/2009 21:51:00]咁你而家去咗未呀，有冇洗手架! 呢個清清地幾正，都係多得DARLING諗個食譜出嚟咋!
好好喎呀,有MANGO
回覆刪除[版主回覆06/18/2009 21:53:00]係呀，我終於搵番個攪拌出嚟啦!
44444
回覆刪除[版主回覆06/18/2009 21:54:00]咁夜咁唔瞓!
我個囡都考緊試呀!不過冇下個星期考的科目在呢個星期六考噃!如果係真唔知點算,溫都溫唔切啦!咁多點可以兩日內溫晒呢!
回覆刪除好心學校方面一係順廷,一係就唔考計平時分好過.
你個甜品真係好鬼正呀,你整得好靚呀.
[版主回覆06/18/2009 21:59:00]呢個清清地幾正，都係多得DARLING諗個食譜出嚟咋! 好似話下星期一決定要唔要停課呀! 順延又係慘架，心掛掛到幾時呀? 俾啲小朋友考埋呢兩個星期試先啦!
我鈡意涼粉嗰個....今日整！
回覆刪除[版主回覆06/18/2009 21:57:00]呢個清清地幾正，都係多得DARLING諗個食譜出嚟咋! 我好鍾意食涼粉架，吉吉有啲一盒盒涼粉買，我覺得衛生啲架!
我今日都玩緊芒果！比個5黎先！
回覆刪除[版主回覆06/18/2009 21:55:00]555.............. 你又玩乜呀? 唔好意思，個食譜我改咗少少!
好 彩我個仔今日考完
回覆刪除其實之前都好驚停課
[版主回覆06/18/2009 22:06:00]你就好啦，我日日提心吊胆，唔知佢幾時會停!
早抖,我而家去瞓喇!明早見.
回覆刪除[版主回覆06/18/2009 22:06:00]GOOD NIGHT!
改啦改啦，改得啱自己口味咪得囉！
回覆刪除我個個配超甜紅豆所以咪唔加糖整囉，你呢個唔係配紅豆加糖應該會夾d。
我整流心芒果布丁，唔知聽日起唔起到貨呢？
[版主回覆06/18/2009 22:18:00]係呀，佢地唔鍾意食紅豆架，若果涼粉加咗紅豆，佢地就唔食架啦! 好呀，得嘅話我又學!
兩個甜品整得好靚呀 !
回覆刪除我姨甥女仲有一科未考, 學校已宣佈話順延至九月先再考
[版主回覆06/18/2009 22:20:00]其實咪一個譜譜，剛好我有涼粉，呢隻涼粉有糖水，加咗入去，囡囡都話正喎! 好鬼煩呀，囡囡係三三四，呢次考試好緊要架，選唔到心儀嗰科好慘架!
好得呀~ 正~ 笨笨路過偷食先~
回覆刪除[版主回覆06/18/2009 22:29:00]哈哈............我都係darling度偷架!
咩係人肉紙板?
回覆刪除[版主回覆06/18/2009 22:29:00]咪好似啲警察紙板咁，防止罪惡發生! 我就防止有人...............偷懶唔溫書呀!
豆腐布甸+涼粉+芒果係咪仲正呢
回覆刪除[版主回覆06/18/2009 22:27:00]呢個清清地幾正!你都試啦，等伯母試下嘛，唔甜架! 喂.....cafe之前有個no.1等人攞噃!
哈哈....你果然試新野之餘仲換埋icon相添呀下....
回覆刪除[版主回覆06/18/2009 23:08:00]有幾日時間梗係試新嘢啦! 我貪新鮮嘛!影得靚唔靚啫，最衰無靚相機啦!
你個個係咪迷你個 d 攪拌器黎家 ?
回覆刪除兩樣都配得好靚呀, 我個雪櫃都有三個芒果, 仲唸緊整乜, 太多野想整啦
[版主回覆06/18/2009 23:13:00]係呀，n年前大老爺買番嚟架，好方便架，今日的起心肝搵番出嚟! 呢兩個配搭先有人食架!
我刚回来啊
回覆刪除[版主回覆06/19/2009 06:16:00]你去咗邊呀?
好彩我個女己考完了, 放心晒.
回覆刪除[版主回覆06/19/2009 06:16:00]你就好啦!
你個女好似考好多科咁既, 要考成兩個禮拜咁耐? 不過其實停課對佢嚟講冇影響丫, 佢讀中三, 教育處一早講明中三考試一定要考埋先放得暑假. 而學校有變陣方法都唔錯, 起碼其他年級D學生唔駛考考吓就停課淨返幾科唔知幾時考丫嗎~~~ 至於你囡囡嗰方面就讀得幾多得幾多啦! 唔好鵝佢啦!
回覆刪除[版主回覆06/19/2009 06:15:00]係呀，煩死，無端端星期六要考西史同科學呀! 佢成日用啲方法都唔work架，背書抄noe
嘩!透心涼!
回覆刪除[版主回覆06/19/2009 06:13:00]係呀，加咗涼粉同芒果好好味!
(Empty)
回覆刪除[版主回覆06/19/2009 06:13:00]好味架，囡囡而家唔使返學，整過佢嘆啦!
天氣熱...食呢個甜品簡直透心涼
回覆刪除[版主回覆06/19/2009 06:12:00]係呀，佢地唔鍾意食紅豆架，若果涼粉加咗紅豆，佢地就唔食架啦!
返黎無耐咋 日日都好忙咁,過黎簽個簿先
回覆刪除小學點呀?又話下午會公佈 幼稚園仲洗唔洗交學費呀?今個月都係返得幾日咋
[版主回覆06/19/2009 06:11:00]我無錯架，blog界大忙人噃! 好似話開始放暑假啦，啲幼稚園梗係想你地交學費啦，政府都監管唔到!
早晨呀....
回覆刪除其實如果好似你地咁識整咁多野....咁屋企會唔會要買定好多款既架生係樹呢?
[版主回覆06/19/2009 08:28:00]早晨呀~我啲架生多到大老爺想殺死我呀!
早晨呀 !
回覆刪除仲有一篇同你有關家, 快 d 攞埋個 no.1
[版主回覆06/19/2009 09:18:00]攞到啦!
我就係怕咁啦....所以我都係唔好做壞人住....哈哈
回覆刪除[版主回覆06/19/2009 09:19:00]做啦做啦........可以做住半個壞人啫，整啲曲奇俾仔仔食啦!
早晨呀, 如月~
回覆刪除[版主回覆06/19/2009 09:34:00]早晨呀~我今日有返工呀!
依個買相已經好得...正吖~~
回覆刪除[版主回覆06/19/2009 09:34:00]我精心整到咁影相架，最衰無單鏡!
唉...果隻豬流感 ,, 攪到d學生哥返學亂晒籠唔止,,,我地做家長又憂心 ...好彩我家r朗昨天考完晒試咋。。
回覆刪除[版主回覆06/19/2009 09:35:00]你就好啦!我囡囡就慘啦! 唉，聽日嗰兩科佢都唔夠時間溫，叫佢早幾個星期溫佢又唔聽，而家咪幣啦!
唔使驚喎, 大部分學生都一樣, 溫唔切書架...
回覆刪除我囝囝考埋今日就考完喇, 不過唔知下星期既全港中三評估試仲要唔要考者....
[版主回覆06/19/2009 10:37:00]但係學校而家聽日要考兩科呀，嗰兩科囡囡都無溫! 好心教育署取消個評估啦!
wow，又有好介紹，流哂口水喇!
回覆刪除啲細路幾時都係好難將阿媽o既說話聽得入耳，等佢哋做人阿媽時可能至會諗返起你 講過乜。其實講真我都係咁，要衰咗至識得諗。
[版主回覆06/19/2009 10:54:00]
Darling一早介紹咗啦!你無溫書呀! 而家咪幣啦，兩科都未溫過!
早晨呀...妳換咗畫喎...靚....
回覆刪除有冇外賣呀...
中學好似話多數都會...我前晚收到通知可能返去一日考哂五科...
[版主回覆06/19/2009 12:12:00]見到邊幅靚就換架啦! 一日考晒五科.........想考C人呀!
好靚好味~~~
回覆刪除[版主回覆06/19/2009 12:18:00]多謝
我囝囝本來7月頭先考試,現都唔知洗唔洗考??
回覆刪除[版主回覆06/19/2009 12:19:00]咁你囝囝幾年級呀?
F.2咋!!
回覆刪除[版主回覆06/19/2009 14:23:00]咁即係細我囡囡一年噃!
呵呵呵~你用緊嗰款攪拌器我屋企都有部呢~ 韓國出品，超耐用，用咗都有差不多九年喇~ 到而家都仲用得呢~ 前排佢轉咗色，係藍銀色咁呢~ 佢話有太多大陸冒版貨扮佢哋個 look ，所以佢哋玩變身呢~ 點解我會知? 因為我打電話去問個代理邊樹有得賣時，佢哋話過我知呢~
回覆刪除[版主回覆06/19/2009 14:15:00]嘩........乜你唔祇煮餸叻，連呢啲產品都咁清楚! 我部機唔係用咗9年，係打入冷宮9年啫!
白滑靚仔
回覆刪除想問人肉紙板係咩意思呀?
[版主回覆06/19/2009 14:25:00]人肉(即係我)紙板(即係睇住囡囡溫書)!棟係屋企監督囡囡溫書呀!
我又黎開餐呀..好正既甜品..YUMMY
回覆刪除[版主回覆06/19/2009 16:24:00]隨便啦，唔使客氣呀!
白雪雪+黑蚊蚊...我鍾意食吖...
回覆刪除[版主回覆06/19/2009 16:24:00]係噃，你提醒我添，黑白配!
因為囝囝停課.我都煩到嘔.......
回覆刪除[版主回覆06/19/2009 17:15:00]總之我就好想囡囡考完先停課，但出邊啲議員成日都叫政府停課，好煩呀........
曲奇易handle d嫁? 不過係咪都應該要有個焗爐先呢?
回覆刪除[版主回覆06/19/2009 19:21:00]焗爐一定要先，二百幾嗰啲都得啦，有時間制有上下火就得啦，我個都係咁咋! muffins最易噃!
我個大仔又係要選科， 所以學校要佢哋考哂全部科目。 星期二已經攪掂哂 。 考埋下星期23日同24日嘅TSA就差唔多放暑假喇 。
回覆刪除[版主回覆06/19/2009 19:22:00]咁慘呀，我個囡咪以為仲可以下星期先溫，而家咪唔夠時間囉!
I have blog friends in town ah， so have to be tour guide so no time to visit you SOOOO often ah。。。
回覆刪除[版主回覆06/19/2009 19:14:00]你得閒先啦，知你忙啦!
仔女都係咁啦！冇咗阿媽就弊一弊都冇咁弊....
回覆刪除[版主回覆06/19/2009 21:15:00]乽係我地照顧得佢地太好啫!