17~June~2009(三)
617Blog聚~CEO~K buffet
韋太，何師奶，Darling，硬琳&囡囡，小琪，主席 & me
地點：CEO MegaBox
係呀又係CEO
不過今次就係K-buffet
仲有兩位大忙人出席
好開心呀
佢地個個整嘢食都好叻架，除咗我同硬琳囡囡咋!
好耐無食過K-buffet
去咗幾次唱K都係兩三個鐘就要走
都唔夠喉
今次唔知係邊個提議呢
一個非常好嘅提議!
今次出席嘅有.......
~韋太~
今日係第一次見面，佢好nice呀，整嘢好叻，仲開咗個韋太烹飪教室，我成日都入去偷師架!佢遲啲仲會仲會出書呀...............
~何師奶~
書界女強人，做師奶做到出書，勁呀!仲有兩個可愛囡囡，超級幸褔嘅師奶(不過，佢一啲都唔師奶，仲好FIT添)
~Darling~
周身刀把把都咁鋒利，食又得(烹飪)玩又得(手工)做又得(抹屋)，邊有人咁全美架!Honey你有福啦!
~硬琳~
煮嘢食煮到出神入化，總之乜嘢都以亞大為中心，亞大話想食乜，即刻可以做到出嚟架!
~小琪~
佢好叻架，又寫blog又做..............大家明啦!
佢好靚女架!
~主席~
blog界大忙人，日日24小時都唔夠佢用架，做事認真，連煮餸佢都會研究一餐架，誓要做倒最好為止!
今次間房算幾大，個天花仲啲好靚嘅燈仔閃閃下架!
開始食嘢啦!
壽司魚生
壽司每次攞三件，魚生每次選兩樣咋!
火鍋
呢個我好鍾意呀
因為有熱嘅菜食呀!
熱盆
我一樣都無食過，都唔知點解唔想去攞!
以下係各人所食嘅食物
唔係本人一個人食晒架!
呢幾碟仔就係我食過嘅甜品啦
連芝士蛋糕都無試!
仲有心太軟，但我攞唔到呀!
今次發現個K場新星呀!
今次我真係失策啦
而家知道食完BUFFET都唔飽嘅感覺啦
今晚我祇係食過
魚生
壽司
蝦餃
一鍋火鍋
小小甜品
返到屋企先覺得好飽肚呢!
1
回覆刪除[版主回覆06/18/2009 06:47:00]原來我係第一個出呢篇blog呀!
硬琳有無搞錯呀
回覆刪除[版主回覆06/18/2009 06:48:00]你掛住唱就得，點解唔唱到5點啫!
3333333333333
回覆刪除[版主回覆06/18/2009 06:48:00](Empty)
原來間k店供應埋buffet架...仲有埋烚下烚下咁得意...今次冇寫幾錢呀.
回覆刪除[版主回覆06/18/2009 06:49:00]係喎，我都未食過buffet有得自己烚下烚下喎!由6點可以唱到第二朝5點，buffet就供應到10:30pm，埋單每人$170囉!
又有blog聚,如果我o係香港就好啦.我鐘意一班人玩,又鐘意食嘢,超鐘意唱K.
回覆刪除[版主回覆06/18/2009 06:50:00]咁你儲錢返嚟，我陪你唱，不過記得著羽絨噃!
早晨早晨! 又有blog聚, 點解唔叫埋我喎! (講 )
回覆刪除[版主回覆06/18/2009 06:51:00]今次係人地安排架，我無份決定叫人呢!
We also want to do K buffet too during our visit!
回覆刪除[版主回覆06/18/2009 07:19:00]你俾date我安排啦! 不過今次我唔放得咁多假呀!
又再來blog聚，如月真是 blog 界大紅人喲！
回覆刪除[版主回覆06/18/2009 09:22:00]早晨呀~唔係呀，我見嗰兩個先係blog大紅人呀!
早晨，这个Kbuffet好合又食又玩的原则
回覆刪除[版主回覆06/18/2009 09:28:00]早晨呀~咁你返香港我地安排下呀!
咁即係飽定未飽呀？
回覆刪除[版主回覆06/18/2009 09:21:00]早晨呀~唔飽呀，返到屋企一路打blog個肚一路打鼓呀!
早晨呀
回覆刪除[版主回覆06/18/2009 09:20:00]早晨呀~你好嘛!
早晨呀...
回覆刪除下次妳咪要打定底...
[版主回覆06/18/2009 10:16:00]下次我勤力啲.....出去攞嘢食咪得囉!
早晨
回覆刪除好正呀 有得唱又有咁多嘢食 開心呢
[版主回覆06/18/2009 10:15:00]咁你又得唔得閒呀?臨之前整一次過你啦好嗎?約埋識你啲人去好嗎?
早晨...K-Buffet 我通常都食唔飽,
回覆刪除因為我懶....唔想係迷宮行出行入咁多次.
又掛住唱歌.
[版主回覆06/18/2009 10:14:00]係囉，行到咁遠，都無心機攞!
嘩，個個星期都blog 聚，真係大忙人呀!
回覆刪除[版主回覆06/18/2009 11:05:00]唔係架，咁啱啫，今日都約咗人呀!
咁夜出BLOG....唔一早通知 我去k~buffet一定唔包...多數揸住個咪唔放..
回覆刪除[版主回覆06/18/2009 11:05:00]我都唔知打唔打得切! 咪係囉，唱得歌嚟又唔想出去攞嘢食!
又唱k呀? MegaBox呢間我都未去過, 超out
回覆刪除[版主回覆06/18/2009 11:35:00]係，難得有人out過我喎!
真開心~~~
回覆刪除[版主回覆06/18/2009 11:36:00]係呀!
我都想去唱K...
回覆刪除[版主回覆06/18/2009 11:36:00]等熹熹大啲你咪可以囉!
哦....你地又有blog聚....good!! keep going....
回覆刪除如月你唔係要返工既咩? 點解可以唱k既.....
[版主回覆06/18/2009 21:31:00]係呀，好密咁呵! 呢幾日囡囡考試請咗幾日假做人肉紙板呀!
嘩, 你介紹既各位都好似.........登登登登, 女俠到咁既
回覆刪除[版主回覆06/18/2009 21:33:00]係咪呀，個個都貢勁架，真係要 先得架!好開心見到兩位紅人!
哈哈哈~睇見你咁介紹我，差ｄ唔敢喺度留言呢~ 嘩~書界女強人~~? 我而家先再出第二本食譜咋，咪吹到我咁勁啦~
回覆刪除其實你識得我耐，就知我係傻人一名，仲要係十三點唔恨嗰隻，女強人完全冇我份呢~ 女傻人就有一個呢~ Wakakakaaaaaa ~
[版主回覆06/18/2009 21:37:00]咁啦...........BLOG界女強人啦! 又出書又識煮嘢又揍住兩個咁可愛嘅囡囡............... 出得第一本，我預咗你出第二本第三本架! 儍............我有咭架(覆診架) 咁你係儍人1號，我係儍人2號囉! 上次係R66祇係同你傾咗一兩句就要走! 今次真係傾得開心，你好健談，不過你可能覺得我悶就真!
又唱又食, 都幾忙啵, 睇落好好玩呢.....
回覆刪除[版主回覆06/18/2009 21:38:00]係呀，忙到食唔飽呀，不過傾到飽唱到飽!
你地又BLOG真開心
回覆刪除[版主回覆06/18/2009 21:38:00]係呀，忙到食唔飽呀，不過傾到飽唱到飽!
Hello !
回覆刪除好高興認識大家 !
昨晚真係玩得好開心, 只不過太夜怕我呢個路痴唔識搭車返入新畀,
所以掃大家興走先 !
你同硬琳都好快手出post, 真犀利呀 !
下次有機會去玩記得預埋我呀 !
不過, 最好星期六下午啦 !! he..he...
[版主回覆06/18/2009 21:43:00]我都好高興認識你呀，不過噚晚都同你傾得好少，你同DARLING傾得好開心噃! 你唔好咁講啦，你住得遠要早啲走架，我都11:30走先啦，佢地仲唱緊，我平時10:30已經瞓咗啦! 我都好少出夜街架，我鍾意日間出街多啲! 我無樣叻，快手係我強項! 好，下次有機會要向你請教多啲烹飪技巧，一於星期六啦，我都鍾意啲約會係星期六架，咁你係咪上午要返工架???我而家五天工作咋!
係咪唱得太高興, 太投入少左去拎野食呀
回覆刪除[版主回覆06/19/2009 06:32:00]好多好多歌我都唔識，但會跟住唱囉!所以無乜時間出去攞嘢食呀!
相比起你地一班勁人，阿九好似係bb班學生....
回覆刪除[版主回覆06/19/2009 06:31:00]你千祈唔好咁講呀，儍豬!
xyz , xyz資訊工坊 竹 xyz軟體王 推 xyz軟體補給站 推推 xyz軟體之家 王 xyz軟體 詞 xyz遊戲 昂 xyz軟體銀行 人 xyz大補帖 ghijjk 大補帖 jhk 軟體急先鋒 , xyz , xyz , xyz , XYZ ,
回覆刪除xyz , xyz資訊工坊 竹 xyz軟體王 推 xyz軟體補給站 推推 xyz軟體之家 王 xyz軟體 詞 xyz遊戲 昂 xyz軟體銀行 人 xyz大補帖 ghijjk 大補帖 jhk 軟體急先鋒 , xyz , xyz , xyz , XYZ ,
回覆刪除