6~June~2009(六)
又嚟Blog聚啦
今次人數都唔弱
可謂陣容鼎盛
由Darling一手策劃，多謝Darling!
【0606Blog聚~Coffee Mill】
聚會人數21人(14大、7小)
mother同羊太係未見過，其他都見過幾次啦!
Darling同硬琳幾乎想攞幾樽美極走呀!
舊式的磨咖啡豆機!
0606~伴手禮~(詳情)
雖然呢個禮拜有幾日唔舒服
噚日終於好番好多
所以今朝較定鬧鐘
一早起做伴手禮
咁少時間，梗係揀樣易啲啦
之前好想做芝麻九層糕
所以買咗兩包芝麻粉
咁就整個"黑白配"啦
【芝麻椰汁九層糕】~(食譜按此)
個白色唔顯眼呀)))))))
都唔夠黑白分明嘅!
勁似"雙層巴士"
呢個係淨咗啲粉漿，所以整多盆
點知影相時我就覺得佢好似雙層巴士呀!
呢度用咗二個半鐘預備!
11:00出發
目的地:尖沙咀港威酒店磨坊咖啡店
因為未嚟過，要call咗Darling幾次先搵到
我仲係第一個到添呀!
Darling)))))))))))))))點解無獎架??????
開餐啦
睇下有幾多嘢食
有仔仔最愛嘅生蠔、燒牛肉、三文魚、青口.....
款式都好多!
甜品區
我無食到蛋糕
祇係甜品各試咗一碗
仲有個窩夫機，可以自製窩夫
點解我整得咁肉酸架!
Dreyer's雪糕~我無食到，太凍啦唔敢食!
睇下我食咗啲乜
戴住咁大粒藍寶石介指嘅就係主席個囡囡
主席)))))))))))你仲話你唔富貴，幾多卡呀?
今次收到嘅伴手禮
第一次收到mother做嘅小蛋糕，好香呀!
Coki做嘅蛋糕仔，佢揍住兩個小朋友﹐仲有咁多時間整嘅嘢!佩服佩服
今日佢一個人帶住兩個小朋友嚟添呀!犀利!
Fian送嘅馬爾代夫嘅鎖匙扣，好靚!
第一次見面嘅羊太，織咗啲好靚嘅烏龜鎖匙扣!
我貪心要咗兩個!囡囡一見已經攞咗個紫色啦!
JoeJoe嘅酸薑，我好like呀!
Darling又有驚喜啦，你有冇學過架????
點可以做得咁靚架?又話第一次做???
我揀咗個勁似我嘅熊仔啦!
食到3:00pm各自回家啦!
今次好高興又識多兩位blog友!
日期：06/06/2009(Sat)
時間：12:00 - 2:30
地點：尖沙咀海港城港威酒店磨坊咖啡室
餐廳電話：2113 7926
詳細地址：尖沙咀廣東道13號，磨坊咖啡室位於地庫
收費：大人$148，4歲以上小童$98
1
回覆刪除[版主回覆06/06/2009 21:33:00](Empty)
2
回覆刪除[版主回覆06/06/2009 21:46:00]你今晚好叻喎，仲有冇頭痛呀?
呢個價錢好抵喎 ~ 都好多嘢食 ,個窩夫同黃金酒店一樣 !
回覆刪除[版主回覆06/06/2009 21:47:00]仲抵呀，有折架，埋單係$126一個!
4444444
回覆刪除[版主回覆06/07/2009 10:04:00]今日早咗喎!
今日無頭痛, 但就女人病肚痛 !
回覆刪除[版主回覆06/07/2009 10:04:00]佢係咪食得凍嘢多呀?
(Empty)
回覆刪除[版主回覆06/07/2009 10:04:00]仲有折埋單每位$126!真係好抵食架!
$148.00食lunch buffet又唔貴喎.....
回覆刪除[版主回覆06/07/2009 10:03:00]仲有折埋單每位$126!
呢個好有創意呀！自己整，好過癮呀...
回覆刪除[版主回覆06/07/2009 10:01:00]仲好好味添!有好多配料俾你加上去食架!
哼...我幾時想 攞幾樽美極走呀 我係想攞幾樽桂林辣椒醬走咋
回覆刪除[版主回覆06/07/2009 10:00:00]咪一樣係想攞....................!
今次無我份啦 因為哥哥下星期要考試, 細佬今日要畢業禮綵排......
回覆刪除Darling 次次都有驚喜, 樣樣拌手禮都好靚呀 !
Mother 係咪真係好 "女強人" 家 ? 我都好想見下佢呀 !
[版主回覆06/07/2009 10:00:00]係啦，你又唔得閑! 下次你一定要去架! 係呢唔知darling下次有乜新嘢呢? 我都好開心見到mother呀!
大人$148， 4歲以上小童98---好扺噃 搵埋Frances 一齊 食都好
回覆刪除[版主回覆06/07/2009 09:58:00]等Rachel考完試叫Frances一齊去食!
唔知係咪我地同餐廳發揚光大，我上次都係weekend去，都無今日咁旺場。
回覆刪除我真係第一次整糖膏公仔架， 不過…其實我係識整黏土公仔的，但因為今次無架餐，所以有好多精細部份都整得唔靚，今次唔夠時間比個公仔風乾，所以有幾個都甩耳，硬琳個個仲扁埋添，等我買齊料再整黎送比你地。
[版主回覆06/07/2009 09:57:00]我諗住下個星期六一家四口去食添呀! 我保存得好好呀!返到屋企仲好靚呀!
仲有，仲有，我睇中樽桂林辣椒醬咋，我勁唔鍾意美極！
回覆刪除咪獎佐你食多幾碟囉，你收唔到咩？
[版主回覆06/07/2009 09:56:00]奬乜呀，收唔到喎，再奬過!
我老公食過你的千層糕之後要我學整呀, 等我星期一去買材料先 !
回覆刪除[版主回覆06/07/2009 10:05:00]好易整啫!一包粉一罐椰漿一罐水咁就得啦!
真係高興喇，又blog 聚.....
回覆刪除$148 加左一未架??????
[版主回覆06/07/2009 10:03:00]仲有折埋單每位$126!
早晨早晨! 又有blog聚,點解唔預埋我呀! 真係好鬼羨慕呀!
回覆刪除[版主回覆06/07/2009 10:03:00]你又想咩，咁你識唔識佢地架?怕你悶咋!
d拌手禮實在太強勁, 仲越來越有新鮮感!!
回覆刪除[版主回覆06/07/2009 10:05:00]係darling次次都有新意啫!
嘩! 22人一齊食 buffet! 好震撼呀! D 嘢睇落仲好好食添!
回覆刪除[版主回覆06/07/2009 10:06:00]仲有折埋單每位$126!仲好抵添!
呢间我食过两次，感觉真系唔错架！
回覆刪除呢几日入你度都留唔到言，今日先留到~~
想问你，你好返好多未？ 几时有过来沙田，我同你去沙田食野呀~~
[版主回覆06/07/2009 09:28:00]有幾位blog都咁講喎，唔知yahoo又攪乜鬼! 可可媽咪話搵埋frances去食喎，不過都要等佢考完試先得! 我今日入媽咪度食飯呀!
好羡慕你地成日都有blog聚.哩個價錢食咁多嘢,好抵呀.
回覆刪除[版主回覆06/07/2009 10:06:00]仲有折埋單每位$126!咁你幾時過嚟同我聚呀?
如月你真開心喇！好多野食，好多伴手禮呀！
回覆刪除[版主回覆06/07/2009 15:26:00]都唔多呀，有啲人偷懶囉!
我一定要整芝蔴九層糕呀....... 仲有 Darling 嗰隻豬豬....好鬼 cute 呀！
回覆刪除[版主回覆06/07/2009 15:27:00]我呢個仲未成功喎!你入咗精選呀! darling個囡囡話係熊仔喎，但我都覺得似豬啫!
成日見你地有blog聚,好開心呀!
回覆刪除[版主回覆06/07/2009 15:28:00]呢排多咗啲咁啦!
食自助餐...正...鐘意食邊樣就夾邊樣, 等我攞啲生蠔先.
回覆刪除[版主回覆06/07/2009 15:28:00]係呀，食多食少都得!款式又多!
妳個公仔無爛咩?我果個都甩咗耳仔啦
回覆刪除[版主回覆06/07/2009 21:23:00]我都不知幾小心咁攞返屋企呀!
嘩 好多美食呀
回覆刪除[版主回覆06/07/2009 21:22:00]係啦，幾時同你食呢?
多謝你的芝麻椰汁九層糕 , 攞到回家時家中印印以為我去印尼店買架 , 我話比她知是Blogger 整的 , 她說咁大個女都未整過 ........
回覆刪除[版主回覆06/07/2009 21:21:00]唔多謝，我整啲嘢麻麻地咋，難得你地唔厭棄!
wow....咁快出左嗱....勁呀....仲咁詳細添呀....
回覆刪除你既芝麻椰汁九層糕真係勁好味....唔止我鍾意....就連我家姐姐 & 軒爸都一樣鍾意食呀....多謝你呢....
你個公仔無爛到真係好....我果個爛左呀 .....
[版主回覆06/07/2009 21:21:00]好多位都出咗啦! 係咪真架，你鍾意芝麻味，下次整成底俾你! 哈哈........我好小心咁護送返屋企架!
見到有我至愛既生蠔呢 可惜呢日請唔到假 冇口福呢
回覆刪除[版主回覆06/08/2009 06:04:00]唔緊要架，下次仲有機會!
早晨早晨! 如果時間許可,我都會去架.
回覆刪除[版主回覆06/08/2009 06:04:00]但你好似無去過嗰幾位BLOGGER個BLOG度傾過計喎?
唔緊要,我而家多啲去佢哋嘅blog度傾多啲計咪得囉.
回覆刪除[版主回覆06/08/2009 15:03:00]好，下次預埋你啦!
果日好開心見到你哋咁多位靚太呀!真係獻出我人生第一次---blog 聚。
回覆刪除你又要我學多樣嘢喇，勁中意食。但我驚好似益力多芝士餅咁，整完之後又要詢眾要求，成日都整呀!不過睇怕要咁多心機，要好得閒至整到。
重有我而家响度搵緊你個pizza 包 譜譜，又要偷師。
[版主回覆06/08/2009 14:00:00]原來你嘅第一次俾咗我地呀! 好開心認識你呀，我好羡慕你地咁fit! " 唔怕，我今日整咗個"豆腐薑汁慕絲凍餅" 會星期三POST出嚟!咁你咪多樣嘢學啦!
係呀，唔記得問你，你裝伴手禮個包裝响邊買o架?我覺得個size 幾啱用?係咪連埋張金色咭紙呢?
回覆刪除[版主回覆06/08/2009 13:57:00]如果你得閒，灣仔二記有得買!你買唔到call我幫你買!
好熱鬧啫﹗又多O野食，真係好啦...
回覆刪除[版主回覆06/08/2009 15:01:00]呢度唔錯架!
原來叫做＂ 舊式的磨咖啡豆機 ＂我之前見過但諗唔到用來做咩
回覆刪除[版主回覆06/08/2009 15:13:00]呢個我估咋!
多謝你 d 糕糕呀, 我地已經食哂喇 ....
回覆刪除我果日雖然只食左少少野, 不過可能潛服住有 d 唔舒服, 之後成日我都冇肚餓感覺呀 ...
[版主回覆06/08/2009 15:12:00]好唔好食呀，有乜唔好出聲，我改下噃! 咁你真係唔多舒服喎，而家點呀?
我冇乜野喇, 呢排可能天氣唔好, 前 2 日輪到我老公話想作感冒, 好彩食左成藥禁得住 .....
回覆刪除你個糕糕好味呀, 我好耐都冇買過黎食喇, 多謝你呀 ....
[版主回覆06/10/2009 11:51:00]呢排啲流感真係好犀利! 多謝你先，係咪真係好食架，夠唔夠甜啫，我就覺得淡咗啲?
其實我日日係屋企,如唔整野依減下壓,會屈病呀..所以一有時間咪整下野食囉,不過我果d,有時都係得個樣,唔好食架,屋企果隻野成日咁話我呀~
回覆刪除黃色果隻蛋糕,我整左好多架,雙倍左份量黎整,點知整出黎無芒果味,只得麵粉喎,所以唔敢俾多妳地試,真係唔好意思,今次既拌手禮得咁少~~
個朱古力蛋糕又唔夠可可粉,無得加倍,唉~~
[版主回覆06/10/2009 12:27:00]係呀，我最忘我嘅時候就係整嘢食啦! 唔緊要，我都無乜信心啲嘢一定會好食，都係委屈你地食咗佢咋! 係呢，係個朱古力好好味喎!
好高興認識你地班大師父,以後要好好向你地學習學習
回覆刪除你個糕糕好好味呀,我又要學
[版主回覆06/12/2009 15:13:00]你唔好咁講啦，我入過你度，你整啲嘢都好靚呀! 蛋糕係我弱項，成日都失敗，darling同硬琳就係高手!