12~Feb~2009(四)
星期四
快啦快啦，好快開完OT
噚晚返到屋企，佢地仲食緊飯
都九點半啦
大老爺煮咗蕃茄牛肉煮蛋，菜心炒魚片，仲有加料义燒，都算係咁啦!
今晚佢唔使煮啦，之前大表姐結婚，送咗一圍酒席，佢地今日同姑奶出去食!
11~Feb~2009(三)
BLOG聚~R66
<合和中心~旋轉餐廳>
呢次blog聚係噚日嘅
係趁Iris返去讀書前聚一聚
由原來三四個人
後排左起：主席，笨啦啦，何師奶，Iris，硬琳，Dada，JoeJoe
前排左起：syc204，chloe(開心媽咪囡囡)，欣欣(JoeJoe囡囡)，我，開心媽咪
<我坐係佢地中間，真係好似巨人咁呀>
***各位今次好趕，唔夠時間整靚啲!***
其實好多個都係未見過面!
好似開心媽咪、JoeJoe，Iris，Dada，何師奶同硬琳!
可惜今次分咗兩張枱坐
無機會同所有blog友傾下計
而且自己又趕住返工，最先走嘅就係我!
咁多位，希望有機會見面嘅時候再傾過!
今次你地好彩啦
我無時間
如果唔係，你地又要做我嘅白老鼠啦
哈哈哈.............
R66~lunch buffet都算平
一至五lunch buffet係每位$108
小童(3至11歲)$79
餐廳環境幾正
如果天氣好的話
係可以一覽維港景色
仲可以欣賞"東方之珠"嘅夜景
所以成日都有啲旅行團係度食餐架
就因為咁，我地食嘢嘅時候
攪到我地傾計好似嗌交咁
後來啲同胞走晒
我地開始交換伴手禮
今次好慚愧
就買咗啲現盛嘅模送俾佢地
希望佢地啱用啦!
~呢啲就我啲禮物~
睇下我換番乜嘢返嚟
JoeJoe~朱古力腰果~
好好味，返到寫字樓已經清晒
開心媽咪~杏仁條同蛋糕仔~
好有心機整，今日做咗我嘅下午茶
硬琳~"落街"杏仁糖、幸福曲奇、明"字"朱古力，咖啡曲奇~
咁多款式，梗有一樣啱你食
靚女硬琳真係細心，包裝好靚，整嘢又叻又好味，幾時可以學到佢半成呢?
我啲同事都試咗啦
佢地話啲杏糖好似呀!
syc204~自製馬拉盞~
我未聽過馬拉盞可以自己整
下星期可以用嚟炒菜，試咗話你知!
何師奶~唧花曲奇~
佢煮餸叻就個個都知啦，原來佢整曲奇都好細心，
佢做嘅唧花曲奇
可以做到咁細粒，要好用心機架
啲曲奇好香牛油味!
看看我收到的伴手禮
今次真係好開心認識各位
希望我送俾你地嘅禮物啱你地用啦
以後有機會再見面!
1
回覆刪除[版主回覆02/12/2009 21:52:00]我返嚟啦!
2
回覆刪除[版主回覆02/12/2009 21:52:00]我返嚟啦!
3
回覆刪除[版主回覆02/12/2009 21:52:00]三姐，我返嚟啦!
又有相拎啦
回覆刪除妳無講原來有九折架,埋單先講,所以我仲欠妳十二大元,不過有拖無欠啦,syc204教我架
[版主回覆02/12/2009 21:53:00]得啦，我都唔知，而家叫同事搵定張星展咭，星期日用!
4
回覆刪除[版主回覆02/12/2009 21:53:00]我返嚟啦!
今次多咗好多明星啊!!!!!!!!!!!!!!!!!!
回覆刪除[版主回覆02/12/2009 21:53:00]今次係羣星會呀!!!!!!!!!!!!!!!!!!!!!!!!!
有很多香港小姐呀 !!!
回覆刪除[版主回覆02/12/2009 21:54:00]梗係啦!羣星會呀!
妳地咁多BLOG友一齊聚 真係開心呢 羨慕ING 我終於整到VIDEO啦 妳過來睇啦
回覆刪除[版主回覆02/12/2009 21:54:00]好呀，一陣過嚟!
咩叫R66呀？
回覆刪除我又見到蔡少芬喇~嘻嘻
[版主回覆02/12/2009 22:04:00]R66係佢餐廳名呀，少芬靚唔靚呀?
個個都係大明星真係不得了呀
回覆刪除[版主回覆02/12/2009 22:33:00]都話係羣星會啦!
少芬梗係靚啦！如果唔係主席都唔會咁鍾意佢
回覆刪除[版主回覆02/13/2009 06:04:00]咁主席都咁靚啫!
可以借你張相一用la~ 哈哈~ 好開心可以同大家傾計食飯呀~ 仲有咁多伴手禮, 真係好感動 我好努力食緊la, 好開心呀!! 番黎再見呀~
回覆刪除[版主回覆02/13/2009 06:05:00]努力讀書呀，番嚟記得搵我地食飯，下次要坐耐啲!
睇見你哋就開心!
回覆刪除[版主回覆02/13/2009 06:05:00]咁多靚女陪我梗係開心啦!
真係好開心，不過點解d時間過得咁快？真係傾得唔夠喉！
回覆刪除[版主回覆02/13/2009 06:06:00]得嗰個零鐘邊夠喉，又趕住返工!
點解大合照無數我既 我起楊思琦隔籬架
回覆刪除[版主回覆02/13/2009 06:19:00]sorry sorry 寫漏咗添! 好開心認識到你，不過傾唔到幾句，下次有機會再傾過，你啲芒果卷好靚呀!
幾時又到我哋嘅聚會呢???????
回覆刪除[版主回覆02/13/2009 06:20:00]等我開完ot先傾啦~!
嘩..你地好開心呀......羨慕死...
回覆刪除唔知你地個麗群會仲收唔收會員呢....!??
咁多禮...lunch buffet完....夜晚整多個甜品buffet都得喎...
[版主回覆02/13/2009 06:21:00]咁就要睇下有邊位靚女退會先啦!
早晨早晨! 真係好羨慕呀! 個個都係大明星嚟噃! 勁呀!你們個個都係高手嚟架.
回覆刪除[版主回覆02/13/2009 06:22:00]我唔係高手呀，係買手咋!
我唔理呀, 28號下午我地有BLOG聚....預埋你架啦
回覆刪除肥BLOG BLOG個女開PARTY呀))))))
詳細請聯絡FRANCES
[版主回覆02/13/2009 07:57:00]早晨，28號下午，可以諗下喎，等我聯絡Frances先!
我嚟喇！好多好多拌手禮！好靚呀！ 等我同jo姐一齊返嚟同你blog聚先！好唔好呀！！！！！！ 我一陣又去jo姐屋企食飯喇！
回覆刪除[版主回覆02/13/2009 08:32:00]早晨，啲伴手禮無我份喎! 如果你同jo姐返香港，一定要同我食飯噃! jo姐廚藝係咪好正架?
係呀！ jo姐係一個好奄尖嘅人，衣食住行佢都要執到好正，不過佢就唔會執屋嘅，皆因佢要佢d仔做㗎！cy好乖仔㗎，一向洗衫都係cy出去洗㗎！jo姐喺美國未出過去洗衫，所以我咪話佢有個好乖仔囉！cy重好靚仔㖭！
回覆刪除[版主回覆02/13/2009 09:05:00]早晨，洗衫唔係用洗衣機咩? jo姐有兩個咁乖嘅仔好幸褔~! 佢好似唔舒服喎????????????
真係好羨慕你哋啲聚会咁開心呀！個個仲咁有心思整的伴手禮！
回覆刪除[版主回覆02/13/2009 09:16:00]早晨，伴手禮我無份架!佢地都好叻!
blog聚又真係好開心wo. 我28號可以見到你啦^^
回覆刪除[版主回覆02/13/2009 09:16:00]早晨，係呀今次我得閒啦!28號見!
因為我地都係租人地方住，所以係冇洗衣機㗎！呢度d人個個都係去洗衣舖洗㗎！所以條條街都有洗衣舖，我在美第二年，都有人叫我頂佢間洗衣舖自己做，不過我冇咁多錢咋！ jo姐係有小小唔舒服，可能去旅行時攝親，佢食左藥，我叫佢訓多d 。
回覆刪除[版主回覆02/13/2009 09:17:00]早晨，係?咁都好煩喎，係咪仲要等啲衫洗完先返得屋企架?
嘩真係好多禮，又成班名太聚會，掂啦
回覆刪除[版主回覆02/13/2009 10:06:00]早晨，羣星會呀!各位靚女靚太，我覺得我好肥呀!
早晨！因為我地係夜晚，所以都唔係幾習慣呢個時候叫早晨！ 係呀！要等乾哂先至可以返屋企㗎！ 我去jo姐屋企喇！等陣見！
回覆刪除[版主回覆02/13/2009 10:08:00]唔緊要架!我叫慣咋! 88 "聽朝見!"
你成日有blog聚，好羨慕呢！個個blog friend都是廚林高手添！
回覆刪除唔知幾時blog 聚可以tum埋我玩呢？
[版主回覆02/13/2009 10:08:00]你隻鹽水鴨都整得好靚，一定好好味! 咁要睇你啦!
希望下次有機會見到你啦!
回覆刪除[版主回覆02/13/2009 10:31:00]早晨，一定有機會!
早晨..你地就好啦,成日都有聚會
回覆刪除[版主回覆02/13/2009 10:47:00]早晨，睇下幾時有機會同你聚一聚呀!
嘩~~~ 好羡慕呀!
回覆刪除真開心
[版主回覆02/13/2009 10:47:00]早晨，唔使羨慕，睇下幾時有機會聚一聚呀!
今次唔係凈得蔡少芬喎！
回覆刪除[版主回覆02/13/2009 12:30:00]係呀，咁會開心啲喎~
同咁多名星一齊食飯一定相當開心的呢!
回覆刪除[版主回覆02/13/2009 12:30:00]梗係開心啦，自己唔靚睇下啲靚女靚太都好架!
哈哈哈~好榮幸同到咁多星星一齊影相啊~ Wakakakaaaaaa ~
回覆刪除早知我都變身做呀曼玉，咁先可以同佢哋個靚樣一較高下呢~ Wakakakaaaaaa ~
好開心可以見到你呀，但時間真係太短呢~ 顧得醫肚就顧唔到傾計呢。。。。
[版主回覆02/13/2009 12:29:00]係咪好開心呢!你唔早講，你吩咐到嘅，我一定赴湯蹈火都搵個最靚嘅曼玉俾你! 係呀，掛住傾計都食得唔係咁飽，你又咁客氣整啲曲奇俾我地!下次一定搵你做白老鼠先得!
你哋成日都玩 blog聚 好開心啊~~~
回覆刪除我有時去飲茶食飯 都會頂唔順我哋自己D國內友呢~
真系好吵~~
將就下啦~~
[版主回覆02/13/2009 12:44:00]有時間就聚一聚，幾開心架! 唔好意思，我無心話你地架!不過真係嘈到我地好煩!
我依家先見到啲相，原來有咁多大明星，知得去攞簽名啦!
回覆刪除[版主回覆02/13/2009 12:44:00]乜你無睇真咩?你又唔上埋嚟食，咁怕羞!
咁多明星同你卜聚好羡慕,寫卜真好,可以識到咁多朋友,
回覆刪除情人節快樂 !!
[版主回覆02/13/2009 13:54:00]係呀，寫blog令我識到好多朋友!而呢啲朋友仲日日嚟探我架!
You had lunch with so many stars.... Can meet so many of them, so fun! I also want to meet them!
回覆刪除I just got home this morning~~~
[版主回覆02/13/2009 13:53:00]你返新加坡嗱!Daddy Dearest一定買定花俾你，祝你情人節快樂!
情人節快樂!!
回覆刪除[版主回覆02/13/2009 13:51:00](Empty)
哈哈哈~咁下次就要你整如月合桃酥啦~
回覆刪除[版主回覆02/13/2009 13:57:00]好呀，下次你約主席，我整俾你食!
我都好開心認識到你呀
回覆刪除今次真係傾得唔夠喉呀, 我同你仲好似冇乜傾過 tim, 唔制呀
好多謝你個矽膠花花模, 好靚好 arm 用
p.s. 借相一用喇
[版主回覆02/13/2009 15:15:00]係呀，你坐咁遠!真係無傾過，你淨係介紹咗你囡囡chloe俾我識咋! 我送嘢俾你地都諗過會唔會啱用架，你有小朋友，梗係用嚟整蛋糕仔同啫喱啦!
哈哈~我都好少睇到人地打錯野架 終於搵到啦
回覆刪除如月小童唔係$58正確係$79呀,下午茶都無咁平呀
[版主回覆02/13/2009 20:31:00]係喎，我係知道七十幾架，唔知點解打咗五十幾!俾你叻番一次，我而家等緊放工啦!
(Empty)
回覆刪除[版主回覆02/13/2009 20:29:00](Empty)
This Mix is designed by kentm2
回覆刪除蔡少芬好正呀 我都借相一用先
回覆刪除[版主回覆02/13/2009 22:19:00]歡迎歡迎!!!
真係群星會呀, 你 D 技術真係勁呀 ! 下次要搵個地方可以傾足一日先得呀 !
回覆刪除[版主回覆02/14/2009 19:37:00]技術真係唔得，又唔夠時間，我都係咁話!
嘩! 您地咁多明星出現,附近既國內同胞有冇叫您地簽名留念呀? 呢班明星朋友仔既拌手禮真係掂!
回覆刪除[版主回覆02/14/2009 19:38:00]國內同胞掛住食，都記得叫名星靚女簽名呀!
個個都係你樹偷相啵 hahaha~
回覆刪除[版主回覆02/14/2009 19:39:00]啲相有人欣賞我都無任歡迎呀!
搞乜？依家興 face off？
回覆刪除[版主回覆02/19/2009 06:21:00]早晨呀! 唔知你係度留言添! 咁佢地想做明星嘛!
woowow..... 好多gifts啊...... 高手雲集呢~
回覆刪除[版主回覆02/19/2009 06:22:00]早晨呀!好耐無見，工作如何呀? 係呀..........高手雲集.............不過唔包括我喎!
體健智力中心
回覆刪除係一個機構
若你覺得小朋友有任何發展上既問題
可以經健康院轉介到上址做檢查及自療
[版主回覆02/19/2009 11:03:00]咁你覺得OYIN有乜問題呀?
專注力唔夠
回覆刪除眼人時
對眼球不能定眼望多過三十秒~
[版主回覆02/19/2009 12:20:00]咁測咗結果係點呀
未知呀
回覆刪除佢上次去都係姑娘收集資料
要等佢地開會
話覺得佢係邊方面有需要跟進先至知
最排成半年架
不過都無所謂啦
若要自己去搵既
會貴好多架
等政府就係咁架啦~
[版主回覆02/19/2009 14:38:00]慢慢嚟!
呢次我來唔到，都要覺得少少可惜架！
回覆刪除但換另外一個角度睇，我又好驚太多人一齊既聚會，因我比較慢熱，會俾人覺得好寸 ~~ 完全沒見過既人，我又唔知道點樣去傾解、溝通 ~~
[版主回覆02/24/2009 20:54:00]你最要照顧好鵬哥! 乜有啲你唔識咩，我都係架，都唔係好識講嘢!嗰次都係每個傾咗少少咋!