27~Jan~2009(二)
年初二
恭喜發財
一早諗住有時間
(通常囝囝囡囡都會瞓到12點)
想整蛋散
好多謝T & P食譜分享食譜
不過我呢個徒弟就失手啦
整得唔脆嘅
都怪我加多咗水份
~南乳蛋散~(食譜按此)
下次一定整得好啲
食過晏晝後
又去奶奶度開年
因為細佬同細妹去咗旅行
今年媽子改咗年初七食飯
年初二奶奶啲女(姑奶同姑仔)都會返去
所以會好熱鬧
唔似年初一咁，好冷清!
好多人，5個外孫同4個孫仔女
四兄弟姊妹加埋啲孫仔女都好多人
今日會係奶奶度煮飯
都係由我同姑奶幫手
今晚係奶奶度，我由5點幾煮到8點幾
煮足三個鐘，仲要係兩圍呢
雖然有好多預備功夫佢地一早預備咗
都一返到去開爐都要煮成3個鐘呀
奶奶全部孫仔孫女
.
.
.
.
.
.
.
.
.
.
.
.
都唔明，點解咁大個人
乜嘢都要同人撐
點解唔可以退一步
做一啲別人覺得舒服的事啫
好小嘅事都要同我嗌一下
我多講兩句，囝囝又會覺得係我煩
總之，我好像永遠都係唔啱嗰個
一年到晚，都係新年我先會緊張一點
平時我多數都會由得佢
但我越叫佢唔做嘅嘢佢就越做
好像同我作對咁
佢永遠都以自己為中心
自己鍾意做就去做
永遠都會覺得自己好又道理
唔會理會別人嘅感受
唔能夠叫佢改
係咪我要自我去調節一下呢?
1
回覆刪除[版主回覆01/27/2009 23:22:00](Empty)
新年開開心心啦, 唔好理咁多喇.....
回覆刪除[版主回覆01/27/2009 23:21:00]我都想我蠢啲懶啲，咁會無咁忟囉!
3
回覆刪除[版主回覆01/27/2009 23:20:00](Empty)
我諗差不多個個做人老婆同阿媽嘅 都係咁架啦 我都係咁啫 講極都係咁 成日係得我一個嘈嘈閉 佢地就四個大字>> 關人鬼事
回覆刪除妳話我衰都咁話 以前係HK時 我咪索性乜都唔理 日日去街 話之佢無飯食唔煮 無衫換唔洗 過得幾日咪知味道 知我係屋企嘅價值囉
[版主回覆01/27/2009 23:20:00]我就係永遠做唔出，CC地氣又係咁煮，俾個仔激完，最多咪唔講嘢囉! 我唔知佢地到幾時先覺得我重要，上面句說話係仔仔今年係學校寫俾我的!但佢知唔知我嘅快樂係從佢地身上得到的呢?
我個仔兩歲....都好似你個仔咁 好像同我作對咁 佢永遠都以自己為中心 自己鍾意做就去做 ~~~haha!!唔知到我個仔17歲會唔會仲難教!!
回覆刪除點都好啦~~過年嘛!!開心D啦!!
[版主回覆01/27/2009 23:18:00]男仔到十幾歲好難同佢地溝通架!自我中心好強!快啲生番個女啦!
原來個D叫 蛋散...個名甘過癮噶????
回覆刪除而家過渡期啫 過左就無事嚕~~
C啦 原來CLICK錯咗 出哂街TIM啦
回覆刪除ANYWAY 算啦 有時都唔嬲得咁多 加油啦 姊妹
[版主回覆01/27/2009 23:16:00]唔緊要啦!我會架啦，但有時都會係度呻下架!
我反來啦,我今日好BUSY呀!朝早反工,收工去奶奶個道拜年,之後入元朗去媽咪個道拜年.一日滿足晒三個願望.勁呀!!!!!!!!!!!!!!!
回覆刪除[版主回覆01/27/2009 23:16:00]我每日都係去一個地方，not busy!
唔好咁激心啦！過年嘛！係時候要放鬆一點點了，開心d！
回覆刪除[版主回覆01/27/2009 23:15:00]唉，係好簡單嘅事啫，咁都唔就我?又唔係要佢赴湯蹈火! 加咗相啦，你睇下啦!
叻叻叻叻叻叻叻叻叻叻
回覆刪除如月 十個叻呀
[版主回覆01/27/2009 23:37:00]有乜咁叻，得個快字，我做乜都咁快架!
恭喜發財，過新年唔好唔開心,學JO姐姐話齋,唔好理佢一排,佢就知錯架喇. Don't worry be happy ma!
回覆刪除[版主回覆01/27/2009 23:45:00]我係唔明咁簡單都唔係遷就啫，佢而家越老越麻煩，連出去食餐飯都諸多挑剔!
妳係"開心果" 嬲完好快冇事 尤其是新正頭 開心做個快活人
回覆刪除[版主回覆01/27/2009 23:56:00]我好易嬲又好易無事架啦，但就乜都會講晒出嚟囉!
如月, 妳真係好叻呀, 整咁多餸
回覆刪除我個囝咪又係咁, 佢得14歲咋, 真係好難同佢溝通架, 唔好講話話佢喇, 講一聲都即刻唔鍾意架, 好彩我仲有囡比我呻下....
[版主回覆01/27/2009 23:55:00]好彩我地都有個囡呻下啫!
(Empty)
回覆刪除[版主回覆01/27/2009 23:57:00]恭喜發財~恭喜你金銀滿屋，如意吉祥，歲歲平安!
(Empty)
回覆刪除[版主回覆01/28/2009 00:07:00](Empty)
快就已經好叻啦
回覆刪除我家老爺話我煮餐飯都幾粒鐘 餓C都未有得食喎 所以有時咪由佢煮到夠囉
妳地個個都有囡囡可以呻吓 而我就
有時真係人都DIN呀
[版主回覆01/28/2009 08:29:00]早晨，咁你啲計仔都好掂喎，佢唔忍得你咁慢，自己落手落腳，你咁可以嘆住食!咁你同sugarforest呻咪得囉，同我呻都得架!
我哋今日團拜食飯,我家姐又同佢個仔嘈,今年個磁場令人好忟憎,真係要忍吓啦!!!其實一家人冇病冇痛聚埋一齊嘅日子好珍貴,要好好享受呀!!!!!!!!!!
回覆刪除[版主回覆01/28/2009 08:21:00]早晨，我都知，知係呻下點解兩個人一齊唔可以大家做啲大家都喜歡嘅事啫，咁咪無咁多嗌交囉，又唔係難做!我會珍惜，但未必有心情享受囉，大老爺係一個好自我的人!
如月，我知你好快又冇事的，繼續開開心心做好媽咪！祝你新年順心順意，每天都快快樂樂！
回覆刪除[版主回覆01/28/2009 08:19:00]早晨，你好忙嗎，好耐無見你咁喎!係咪好多人返嚟同你拜年呢?
有心唔怕遲，初三都係拜年時。
回覆刪除如月姐姐， 恭喜發財。
祝笑口常開，仔女聽話。
[版主回覆01/28/2009 12:21:00]早晨，唔遲唔遲，我都祝你心想事成，萬事如意，財源滾滾!
一家人一齊食飯，係最開心最幸福o既事呀﹗好多餸，好正﹗
回覆刪除後生o既時候我都鍾意頂撞阿爸阿媽，我諗每個年青人都會有個咁o既階段，你試下唔好用this is an order o既方式同佢講，可能會好o的... 同埋大個仔就會改架啦...
[版主回覆01/28/2009 18:15:00]你仲坐緊月喎，係咪唔使出去拜年呀? 我祇話我老公咋都唔係話佢，一件事提多兩次都叫我收口!
你講得好啱呀！做媽咪嘅快樂係從仔女身上得到嘅！我絕對係咁樣嘅媽咪！雖然我個女得十歲，但有時都比佢激親㗎！不過佢到依加都唔敢駁嘴，小朋友開始大個，我做呀媽都要有些調較嘅！ 講完就算喇！比你嬲三粒鐘啦！繼續開開心心過年喇！
回覆刪除[版主回覆01/28/2009 18:16:00]唔知佢地幾時先會明白呢?所以我叫佢一定要結婚架，仲要生多幾件等佢試下做人亞爸亞媽嘅感受!
我屋企都係過節先會好熱鬧，平時好冷清！
回覆刪除[版主回覆01/28/2009 18:16:00]而家香港地都係咁，個個都為生活而忙碌!
如月呀如月呀，做媽咪係咁架啦！我反而比個女激親多過個仔呢！個仔仲氹番我添，冇計啦！呻吓舒服啲嘅！
回覆刪除[版主回覆01/28/2009 18:17:00]一個女一個衰係咁架啦，我都明，係度呻下啫，今次係俾大老爺親就真!
唔好勞氣啦，仔女重細等第日大個就會自然明白...我祝你牛年身體健康、事事如意、仔女聽聽話話總知日日都開心
回覆刪除[版主回覆01/28/2009 18:18:00]仔女長大會明白，但大老爺幾十歲人都咁難教!
我同你一樣，不過年三十加年初一都係我整，不過我情願係廚房負責整餸我仲開心！
回覆刪除[版主回覆01/28/2009 18:19:00]我都係咁話呢，我煮快啲嘛，佢地好慢手腳架!都唔知煮到幾點?
早晨 如月8AM
回覆刪除[版主回覆01/28/2009 21:04:00]晚安，Jo姐，9:00pm
你好勁呀~!!可以煮咁多餸
回覆刪除***
佢大個咗就唔會咁啦~
(我知我依家講得好輕鬆, 但係我地細個都會有一個反叛期架啦, 過咗就應該好少少架啦~)
[版主回覆01/28/2009 21:09:00]都係煮菜多啫! 而家係大老爺嘅問題喎，佢仲難教過個仔呀!
如月，早晨呀!早上9:45am
回覆刪除[版主回覆01/29/2009 10:33:00]早晨~早晨!
我呢度冇人來拜年又冇去拜年的習慣的；最近多了要負責的工作，又要讀好多書，眼力和精神容易疲倦，加上換了電腦(舊的C了)，新的中文打字不好用，要打幾次才出一個字，幾煩人~~~~所以咪少了上blog，其實好掛住你地呢！
回覆刪除[版主回覆01/29/2009 10:34:00]早晨~你好忙咁! 咁你咪用英文，我都睇得明，唔明咪查字典囉，mommy dearest都係用英文啦!
我咪生咗個女lor!!haha~~~就快八個月大,識轉身啦!!!
回覆刪除[版主回覆01/29/2009 16:47:00]哈哈..........有女好幸福架!
我無咗工人都唔煮啦,要睇住佢兩個都整唔到咁多啦,所以今年食盆菜
回覆刪除[版主回覆01/29/2009 19:56:00]你返嚟啦，好掛住你呀!
哈哈~唔得咁氹人架
回覆刪除[版主回覆01/29/2009 20:49:00]你都好大犧牲喎，上咗半個頭鏡! 我真係好掛住你架，同空氣講嘢都講咗三日啦!