16~Jan~2009(五)
年貨
仲有一個禮拜就過年啦!
做家庭主婦的一定好忙，
有好多嘢要預備，有好多嘢要買!
因為返工嘅關係，
要趁食晏的時間，出咗去灣仔買過年用品，
揮春唔少得，仲有利是封!
成條街都係人，水洩不通!
人人都在辦年貨呢!
講開包利是，
如果要去銀行換，又話限換幾多，
我試過去滙豐總行都係咁，
激C人!唔通要排幾次咩?
今年好彩有同事同我換新銀紙!
如果唔係要去排隊就慘囉!
今日係星期五，我地兩公婆都會出街食，
咁即係今晚唔煮飯，
所以無嘢出啦!
之前見T & P整义燒，
趁放假嗰幾日，整咗次义燒，
不過，同師傅啲差好遠!
义燒~(詳細食譜)
師傅，我有幾多分呀?
1
回覆刪除[版主回覆01/16/2009 21:16:00](Empty)
1111111111
回覆刪除[版主回覆01/16/2009 21:16:00]打少啲1啦，人地打1個1咋，咁你咪會遲咗囉!
唔好意思..又係我
回覆刪除[版主回覆01/16/2009 21:16:00]唔使開心到唱歌嘛!
又係阿二
回覆刪除好靚喎 我整D都無咁"令立立"
[版主回覆01/16/2009 21:15:00]但係好似好乾咁!
除左瘦左d之外，賣相幾好喎！嘻，我鍾意食肥叉(濃)
回覆刪除[版主回覆01/16/2009 21:25:00]我買豬肉都覺得佢俾得太瘦，不過無法，我又唔知買邊部份?
係舊肉嘅問題 另外一半肥D架 下次去買梅頭心 樂富有檔係牛肉檔旁 對面買魚嘅幾好幾老實架 但咁耐可能換咗人嚕
回覆刪除[版主回覆01/16/2009 21:45:00]你咁熟樂富咩?我十幾年都係幫襯同一檔豬肉檔，同一檔牛肉檔，你講嗰檔係?????梅頭心同梅頭係唔同?????????????
咪同妳講過我娘家係嗰度嘛 我係樂富3歲住到嫁 個個星期六都回娘家 仲係我去買餸 點會唔熟喎
回覆刪除[版主回覆01/17/2009 06:45:00]早晨，咁我要睇下你話嗰檔係邊啦!
梅頭心會多D肥 通常側邊係瘦D嘅 妳話買梅頭心佢就識俾啦
回覆刪除[版主回覆01/17/2009 06:46:00]早晨，係啦，佢俾我嗰時，我都想話要隔離嗰part架啦，但又唔識!
今年真係縮晒皮 連銀行比利是封 都要睇情況 haha~ 不過好在呢d野 係我問你地拎呀
回覆刪除[版主回覆01/17/2009 06:46:00]早晨，哈哈...........你點問我拎啫?
妳見花園街人山人海就知啦 ~ 逼死人囉 ~
回覆刪除我地都係年年叫我老公既同事 或 三哥幫我地換架，因為識得人係銀行返工 ~
[版主回覆01/17/2009 06:47:00]早晨，我今年都叫到人幫我啦，但唔係年年都有人同我換架!
66666
回覆刪除好有新年氣氛啊！
[版主回覆01/17/2009 06:47:00]早晨，遲啲仲有氣氛呀!
利是封我諗會用舊嘅~換新錢都係搵人換
回覆刪除义燒要有少少肥會好食D ~ 整得唔錯
[版主回覆01/17/2009 06:53:00]
早晨，我鍾意用新嘅! 下次買要佢俾啲肥啲我!
义燒好味呀
回覆刪除[版主回覆01/17/2009 06:53:00]早晨，多謝!
好彩公司幫我哋唱新銀紙,不使排隊.
回覆刪除义燒...I'm loving it.
我老公係一個愛整齊既人
回覆刪除所以過年我地都唔會貼揮春或報置
近年他愛上種花巳係好大進步架啦
所以我都到依家仲係成間吉屋咁之麻....
[版主回覆01/17/2009 06:54:00]早晨，咁咪可以慳啲囉!
個樣望落真係好似乾左DD......唔夠肥呀....
回覆刪除[版主回覆01/17/2009 06:54:00]早晨，下次要買啲肥少少嘅!
(Empty)
回覆刪除[版主回覆01/17/2009 06:54:00]早晨!
哈哈~舊豬肉好似唔係好靚咁
回覆刪除[版主回覆01/17/2009 06:55:00]早晨，係梅頭，其實佢俾我時我都覺得咁瘦!
整得咁靚..........梗係 100分啦！
回覆刪除[版主回覆01/17/2009 06:56:00]早晨，邊有你大少整啲咁靚啫!
我都要趕喺落機返到屋企就即刻開始包利事嘞!
回覆刪除[版主回覆01/17/2009 06:56:00]早晨，咁你係邊度架?
咁你會唔會整D賀年食品架??
回覆刪除[版主回覆01/17/2009 06:56:00]早晨，要看看有冇時間囉!
我喺加州呀~
回覆刪除[版主回覆01/17/2009 08:27:00]早晨，咁你係咪返香港過年呀?
係呀! 我年三十晚返, 見吓屋企人啦!
回覆刪除[版主回覆01/17/2009 15:59:00]哦，你全部屋企都係香港?
唔係吖, 舊叉燒都ok喎, 應該好好味bor....嗯~因為我like食超瘦叉嘛..
回覆刪除[版主回覆01/17/2009 15:59:00]味道唔錯，係太瘦所以會乾咗啲!
我覺得件叉燒好正啊!!!
回覆刪除哈哈`````過年氣氛越來越濃烈啦~~~
[版主回覆01/17/2009 16:00:00]我上次去北京路都好有新年氣氛，個個都出嚟買衫過年!
我望落就99分，爭一分係未食過，所以唔肯定。
回覆刪除死囉，我乜都未買呀!我唔及格呀!
[版主回覆01/17/2009 16:00:00]咁早知留番舊俾你攞滿分啦!
揮春我都買咗啦，不過海味就未有時間買
回覆刪除[版主回覆01/17/2009 16:01:00]海味...........我都唔買嘅!
咩都未做,
回覆刪除勁唔勁呀?
我要買 1.全盒(靚)
2.年花(無花粉)
3.靚糖
4. 鮑魚
5.??????????????
不過最緊要先中六合彩頭,OR 2獎
[版主回覆01/17/2009 17:00:00]勁呀勁呀，我而家抺緊廚房呀! 全盒............用舊嘅! 年花............年廿八先買! 靚糖............本來買咗，但俾大老爺食晒! 鮑魚............無錢買!
有無食過安記個隻紙盒裝鮑魚呀?好唔好食呀?好似是$298一盒.
回覆刪除[版主回覆01/17/2009 17:01:00]食過.........係叔仔買俾奶奶，我黏餐咋，麻麻地啦，好過無咁啦!
舊年個全合唔靚.
回覆刪除要換咗佢.
[版主回覆01/17/2009 17:54:00]有錢人即係有錢人!
富貴足生得太高,掉咗.
回覆刪除多咗個靚靚花瓶,要買D野放入去.
[版主回覆01/17/2009 17:55:00]一個靚花瓶就要去買番啲靚花落去啦!
今晚要同仔仔去大會堂,有音樂會,點知買多咗一張TICKET,計錯咗原來009今日要反工仲以為唔洗.009好開心唔洗去音樂會.
回覆刪除[版主回覆01/17/2009 17:57:00]哈哈...........009好開心唔使去音樂會! 講真我都唔係咁喜歡咋!不過你要陪仔仔無法啦~! 咁多咗張票........你咪一個人坐兩張囉!
係呀! 我所有屋企人同朋友都喺香港, 美國只有我 Hubby 同佢家人, 仲有 blog 友囉!
回覆刪除[版主回覆01/17/2009 17:57:00]我都係全部人係香港，祇係得細妹一家係美國!
叉燒好香顏色又靚~~~~~俾101分 ! 我這邊過農曆年冇香港咁熱鬧，年年都沒有去辦年貨，不過團年飯一定會食!
回覆刪除[版主回覆01/17/2009 17:59:00]pohpoh，係咪bb瞓咗呀，你有時間睇blog? 多倫多大停電，對你有冇影響?
舊年個全合$10咋
回覆刪除[版主回覆01/17/2009 18:04:00]咁你就要買個靚啲啦，我今年買咗年花post俾你睇呀!
你真本事喇!又要返工,又可以整咁多嘢食,又可以辨年貨,又可以大掃除.
回覆刪除唉!我乜都未做呀!
[版主回覆01/18/2009 07:13:00]早晨，嗰日我放假先可以整义燒咋!
我都做咗少少,唔駛下星期咁趕!!!!!!!!!!
回覆刪除[版主回覆01/18/2009 07:14:00]早晨，我要盡量呢兩日做晒啦!
d叉燒整得好惹味咁bor~唉..講起年貨,我乜都未攪呀,淨係買咗利是封同揮春咋
回覆刪除[版主回覆01/18/2009 07:14:00]早晨，都買七七八八啦，係未執屋咋!