元旦
2009年開始了，
新嘅一年新的希望，
希望各人都能過得開開心心!
世界和平!
呢幾日工作上都十分忙，真的很攰!
趁今日真係要好好休息一下，
本來想瞓晏啲!
點知8點幾就醒了，再也睡不着!
一個人起身落樓食早餐，
因為大老爺都未起身!
返到屋企巡下blog，又到食晏時候。
食完晏，買咗隻錶俾囡囡作聖誕禮物，
點解咁遲先送?
因為唔想買樣嘢佢用唔着，太浪費了!
今日有時間，囡囡可以自己挑選。
而家啲女仔好麻煩，好挑剔架!
本來乜都想唔整的，
但想起雪柜仲有忌廉芝士，咁就開工整芝士撻。
~芝士撻~(詳細食譜)
都有啲難度架，個粉糰太乾，
又要加入多啲牛油，先勉強成功!
個芝士餡又打得唔夠滑，仲係一粒粒，
個淡忌廉又打唔起，早知唔鬼整啦!
真係要再研究一下，
今次個食譜係參考~syc204~的，
佢整餅好叻架!
晚餐
今晚係食西餐，大老爺話仲有支紅酒，
所以買啲牛扒送紅酒喎!
我唔喜歡食牛扒，所以買咗魚扒自己食。
因為減價嘅關係，去到吉之島鬼C咁多人，
而且今日係元旦，好多人都買牛扒返屋企食!
咁可以慳的ma!
~芝士焗蠔~
呢個唔使整嘅，買番嚟焗好就食得!
~茄汁腸仔意粉~
~什菜凱撒沙律~
~帶子西蘭花~
用鰻魚汁來煎帶子，特別好味!
我嘅魚扒!
大老爺炮製嘅牛扒
佢唔肯俾我整，佢話我唔識整牛扒喎!
晚安!
111
回覆刪除[版主回覆01/01/2009 22:00:00]呢次終於成功啦!
咁都執返個#1 以為妳出一篇TIM
回覆刪除妳D元旦大餐好正喎 睇到我
[版主回覆01/01/2009 22:02:00]如果你睇我個BLOG耐啲，你就會我食譜還食譜(方便搜尋)，仲會有一篇主BLOG架!
哈哈~遲咗啦
回覆刪除[版主回覆01/01/2009 22:03:00]你沖涼沖耐咗呀?定係巡咗去第二度呀?
哈哈~塊牛扒點解咁黑
回覆刪除[版主回覆01/01/2009 22:05:00]唔知大老爺用咗乜嘢秘製汁喎? 但大少一路食一路話好好食喎?
哈哈~要迫亞仔訓呀,佢聽朝早起身返學 而家佢仲郁身郁細仲未訓
回覆刪除[版主回覆01/01/2009 22:11:00]唔係放埋聽日咩?
33333 都不錯了
回覆刪除[版主回覆01/01/2009 22:17:00](Empty)
哈哈~兩個都要返學,仲未訓,所以我又要氹啦
回覆刪除[版主回覆01/01/2009 22:23:00]咁就煩啦!
咪話你個女吖，我送给Ronnie 廿一歲的生日礼物（三个多月前），我囡囡在二日前才找到 她 喜欢的，服咗佢，我送的她也要自己揀 。。。不过如你所説，買他们喜欢的不会嘥錢
回覆刪除[版主回覆01/01/2009 22:24:00]係呀，亂咁買佢地又唔鍾意，試過買啲牛仔褲佢掂都無掂到!
大老爺肯幫妳煮下餸都好丫, 我老公係唔會囉, 只係識得坐係度食, 同埋佢淨係識得彈我整既野.....
回覆刪除用鰻魚汁煎帶子, 我下次都識下先.........
[版主回覆01/01/2009 22:48:00]佢話我唔識煮牛扒喎!佢信唔過我呀! 鰻魚汁甜甜地幾好味架!
芝士撻好好味,下次留番件比我
回覆刪除[版主回覆01/02/2009 06:11:00]你可以試下整喎!
遲咗!
回覆刪除系唔系有咗?
[版主回覆01/02/2009 06:10:00]你係遲咗好多喎，出去食飯呀? 乜嘢有咗呀，你呀????????
(Empty)
回覆刪除[版主回覆01/02/2009 06:09:00]多謝!
好多帶子啊 ! 正 !
回覆刪除[版主回覆01/02/2009 06:09:00]好呀!
大老爺幾時可以過我兩招 點整牛扒呢
回覆刪除[版主回覆01/02/2009 06:09:00]咁我都要請教下大老爺先同你講喎!
早晨呀 ! 唔記得請教, 個帶係咪煎好短時間就得家啦, 我整個一兩次 (無邊個種), 但整到縮晒, 重好實 ....
回覆刪除[版主回覆01/02/2009 08:27:00]無邊個隻睇下你買啲靚唔靚囉，靚嗰啲唔會縮好多，係兩邊煎一陣，你見佢變咗白色咪得囉! 我都想請教你，個芝士撻點解我啲粉糰會散晒，擀唔到喎，我祇係攞一舊放入個模度咋?
早晨呀~!!
回覆刪除你就好啦
大老爺唔駛你煮
我老公連煲飯都話唔識架~!!!
[版主回覆01/02/2009 10:47:00]早晨呀，淨係牛扒咋!
祝你一切順順利利,身體健康
回覆刪除芝士焗蠔係邊蔗買??好正
[版主回覆01/02/2009 13:45:00]多謝! 蠔.....係吉之島買架!噚日有9折!
大老爺都係厨林高手喎!!請佢傳授幾招至得!冇有試過T & P 的介辣醬加Lemon調味，真係好正的!
回覆刪除[版主回覆01/02/2009 13:43:00]介辣醬????係咪食牛扒用的?等我去睇下先!
芝士撻 .未食过啊??
回覆刪除不过应该都好正!!
大老爷块排...???
[版主回覆01/02/2009 13:44:00]芝士撻好正! 塊牛扒........大老爺用咗佢自己的混醬所以黑咗啲!
西餐我至啱....正
回覆刪除[版主回覆01/02/2009 15:24:00]對你應該無難度啦!有時轉下口味都係好架!
你真是好有心機整餐飯 。我鐘意意粉嘅色水，好colourful哦！
回覆刪除[版主回覆01/02/2009 15:45:00]係呀，整西餐嘅仲要多啲心機架，我都鍾意食茄汁意粉架!
啲蠔焗咗好唔好食呀?
回覆刪除元旦食西餐，好應節喎!
我魚扒同牛扒都中意食，不過兩樣都做得唔好，慚愧!
[版主回覆01/02/2009 17:25:00]我就覺得麻麻地，但亞仔就話好食! 西餐先應節ma!
(Empty)
回覆刪除[版主回覆01/02/2009 17:27:00]新年快樂!
多謝您嘅祝福，我都祝你新年快樂，身體健康~
回覆刪除[版主回覆01/02/2009 17:27:00]大家都新年快樂!
好浪漫喎...
回覆刪除[版主回覆01/02/2009 23:41:00]點解會浪漫呢?
好豐富哦！ 睇到我流晒口水 ~~
回覆刪除[版主回覆01/02/2009 23:42:00]我諗你真係會流口水啦!
大老爺都好手藝喎,我家哥哥都要向佢學習吓呀!!
回覆刪除[版主回覆01/03/2009 11:02:00]哥哥有你就得啦!
我男朋友都唔比我煎牛扒架, 因為我唔多食牛, 佢話唔食牛o既人煮, 怕我sai料咁話喎... 哈哈~ 我上兩個星期去左旅行, 所以宜家先出現lor!!
回覆刪除[版主回覆01/04/2009 09:59:00]早晨呀，同我一樣! 今次又去邊樹旅行呀?