8~JAN~2009(四)
旺角維景酒店
今次有我啦、主席、小丸子、Jasmine、Oyin同Oyin媽、卡文媽咪同卡文囡囡。
因為之前嘅blog聚，小丸子病咗而取消!
咁啱呢個禮拜我又放假，見主席係維景食得咁開心，
好想去試，
咪問下小丸子得唔得囉!
佢OK就約成今次嘅blog聚，
之後陸續有人加入，
變咗大大小小有成8個人!
睇下卡文媽同卡文囡囡幾識搶鏡?
因為係叫人幫影的，唔見咗Oyin添!
卡文媽咪、Oyin媽
卡文囡囡、Oyin
主席、小丸子
Jasmine、me
主席，小丸子我盡晒力架啦，呢張蔡少芬索唔索呀?
旺角維景酒店~(詳細資料)
主席上星期先去過，就係見佢食得咁開心，
先約佢出嚟食啫!
我覺得呢度食物款式比灣仔多但甜品比灣仔少!
各有各好!
本來有我喜歡的喇沙湯麵的，
但今日換咗湯底，得豬骨湯，好失望呀!
我地食湯麵用大湯碗，
唔知點主席會有個咁靚嘅煲呢?
兩個小朋友真係好得意，
卡文囡囡細細個但係好精靈，
而Oyin就好白好滑，
好似棉花咁又軟又滑
我地由未開始坐到全部人都走晒，
先起身走人!
Jasmini同主席一早就到咗啦!
跟住同卡文媽咪、Oyin媽、Jasmine一齊行花園街，
Oyin買咗件好靚粉紅色嘅中國衫!
好難得小丸子親整伴手禮呀，
多謝你呀~小丸子，你啲糕糕唔錯呀!
~伴手禮~
每次blog聚，我都會預備伴手禮的，
你地又做咗我的白老鼠啦!
今次真係整得唔係咁好，
個合桃一口酥可能心急得滯，
無之前整啲咁脆，大老爺仲話唔好食添!
呢個林明頓係第一次整，
個蛋糕餡好實，囡囡又話好甜喎!
希望俾咗你地之後無溶到啦!
因為我整得唔係咁好，希望你地多多包涵!!!!
我預備的伴手禮!
晚餐
烚下烚下
出咗街梗係無時間整餸啦(藉口)!
而且天氣太凍太凍啦，
11
回覆刪除[版主回覆01/08/2009 21:06:00]果然好嘢!
2
回覆刪除[版主回覆01/08/2009 21:06:00]有進步!
(Empty)
回覆刪除[版主回覆01/08/2009 21:06:00]知你掂啦!
3
回覆刪除[版主回覆01/08/2009 21:07:00]乜你唔記得呢度咩?
3
回覆刪除[版主回覆01/08/2009 21:08:00]今日係四姐呀!
4
回覆刪除[版主回覆01/08/2009 21:29:00](Empty)
我唔做阿四
回覆刪除903 囉 DELAY咁C耐
[版主回覆01/08/2009 21:29:00]delay? 乜你度遲啲咩?
又有blog聚，好高興呀！等我以為有主席個樣look，原來係"菜小粉"！
回覆刪除[版主回覆01/08/2009 21:27:00]主席話要蔡少芬呀ma!
有卜聚 又咁多嘢食 恨C我啦
回覆刪除呢個時候花園街實行人山人海定啦
打邊爐我鍾意
[版主回覆01/08/2009 21:30:00]係呀，呢度好抵!又可以坐耐啲! 今日唔係假期都OK嘅! 天氣凍呀，咁會暖啲!
哈哈~好索喎......蔡少芬
回覆刪除佢真係一見到我就咗老遠拎個煲俾我喎 不過我都係食得果兩條菜喎 今日我都食唔飽架,係傾得好飽咋
[版主回覆01/08/2009 21:37:00]我都飽! 卡文媽咪就係無行到之後條街，所以買唔到你嗰條裙!不過Oyin媽就買到啦!
係網上聽嗎 聽到佢報時我見都9:01啦
回覆刪除[版主回覆01/08/2009 21:39:00]聽到乜嘢報時呀?唔明喎!
係電腦聽收音機呀 咪會報時囉 明未
回覆刪除RTHK 好D 無DELAY咁多
[版主回覆01/08/2009 21:58:00]咁先進?未聽過喎!我多數都係係blog度等架!
好多謝你呀~!!
回覆刪除今次第一次見面就又食又拎
真係唔好意思呀~!!!
不過老公好欣賞你個林明頓呀~!!!
而那合桃一口酥仲未食.....
不過個樣好流口水呀
本來老公都想拆埋尼食
但係剛食完飯就食咁多甜品...
俾我阻止咗.....
.我唔想佢由大碼變加大碼..
hahaha~
再次多謝~!!!
[版主回覆01/08/2009 21:58:00]唔好咁客氣，個林明頓仲未溶咩?仲有改善空間! 個合桃無咁脆! 哈哈............我同大老爺都係加加加大碼好耐啦!
妳唔知可以網上聽收音機咩 全世界都聽得到架
回覆刪除妳試下啦
http://www.mrbi.net/radiogroup.htm#newyork
香港電台仲可以睇埋電視節目
http://www.rthk.org.hk/channel/radio/index.htm
商業電台GO TO 881903.com TO INSTALL THE HONG KONG TOOL BAR
[版主回覆01/09/2009 06:28:00]早晨呀，好呀，等我試下先!
係 bor, 今次合桃酥好似無之前個 d 爆得咁靚 bor (只係睇個邊) ?! 個 "克林頓" 你鐘唔鐘意食呀 ?
回覆刪除呢次 blog 聚好多人啊, 一定好開心 !
[版主回覆01/09/2009 06:28:00]早晨呀，我就想問下你個份量係咪我有問題，我都係用上次個份量咋!唔明? 個林明頓個蛋糕餡實咗啲，如果鬆啲同少甜會仲好啲! 今次都算多人啦!
刚回家，我连排都不用排了。。。
回覆刪除blog 聚真高兴，可惜我祗有在港才有blog 聚 ，这样一个都無
[版主回覆01/09/2009 06:26:00]早晨呀，咁你又安排下嚟香港囉!
志同道合的blog友聚會,真係好開心!下次有機會,我都想去啊!
回覆刪除[版主回覆01/09/2009 06:25:00]早晨呀，好呀，如果你唔怕我地嘈!
一開始睇唔清楚,以為蔡少芬坐喺你隔離!!!!!!!!
回覆刪除[版主回覆01/09/2009 06:25:00]早晨呀，你眼花啫，我邊有蔡少芬啲朋友呀!
包得咁靚，就巳經 100 分啦..........好有心思呀你 ，睇樣都知唔差得去边啦！
回覆刪除[版主回覆01/09/2009 06:24:00]早晨呀，我驚唔好食咪包靚啲囉!
號外~
回覆刪除原來蔡少芬有孖生姊妹的呢~~仲做埋您Blog友~~
如月,您好勁唷~~哈哈哈~~
[版主回覆01/09/2009 06:24:00]早晨呀，係呀，如果兩個唔同又話呢個靚嗰個靚，咁唔好爭兩個一樣啦! 我梗係 勁 啦!哈哈...........我今朝上祈福啦，星期日先返!
系喇,同咁多蔡少芬有blog聚嘅? 咁開心,你Ｄ拌手禮咁靚,唔駛食都知實好好味呀！
回覆刪除做乜要揀Ada 既相既
回覆刪除[版主回覆01/09/2009 06:22:00]早晨呀，佢地係佢粉絲囉!
好恨好恨，恨C我啦!下次一定要預埋我!!~~~
回覆刪除[版主回覆01/09/2009 06:21:00]早晨呀，你返嚟一定預你!不過你講邊樣先?
早晨!!!~~你哋好開心呀!!!仲同蔡少芝一齊食自助餐!!
回覆刪除[版主回覆01/09/2009 07:05:00]早晨呀，梗係開心啦，咁多靚太同我食飯!
好多人既blog聚呀, 妳好有心機pack d拌手禮呀.....
回覆刪除成日見妳整野食, 真係好想試下, 有機會我都想join呀.....順便可以試下妳既美食呀, 睇都睇到我流晒口水
[版主回覆01/11/2009 22:34:00]嘻嘻.........唔食得都睇得呀嘛! 我真係好鍾意整嘢，但係整得唔係咁好啫!
哇…你好叻呀！整到蔡少芬，我唔識整呀！喺你鼠度偷算喇！ 啲甜品好正呀！搞到我唔好意思，兩手FING FING又有禮物收喎！ 多謝你呀！ 我同妹妹唔係搶鏡呀！呢個係我哋影相嘅招牌動作黎架！ 我仲未得閒出添！你出得咁鬼快，我起碼要兩日後呢~
回覆刪除[版主回覆01/11/2009 22:33:00]我都係問jasmine咋，我係電腦白痴嚟! 今次真係整得唔係咁好呢! 唔多謝! 所以咪話你地叻，一見相機就識擺! 我趕住走呀嘛!
早晨, 今日好凍..小心冷親.今晚打邊爐至啱...
回覆刪除[版主回覆01/11/2009 22:31:00]今朝仲凍呀，番禺得5-6度咋!
點解出現左係蔡小芬既...
回覆刪除[版主回覆01/11/2009 22:30:00]佢地要求嘛!
我好貪心咖！样样都要得唔得??
回覆刪除[版主回覆01/11/2009 22:30:00]得得得得得得得得!
早晨，
回覆刪除好 開心見到咁多好食的東西，我來目食， 希望你歡迎。
[版主回覆01/11/2009 22:27:00]歡迎歡迎!以後多啲嚟呀!
見到我張相真係想死，好肉酸呀 ~
回覆刪除真係俾 d 西藥害死呀！
我決定停左佢啦！ 個副作用咁鬼死大 ~~
好多謝妳既伴手禮，我乜野都無整添 ~
我老公食左好多，尤其係個蛋糕 ~~
[版主回覆01/11/2009 22:27:00]唔好意思呀，早知整埋蔡少芬俾你啦! 如果你唔想，我下次唔會啦! 今次都整得唔係咁好!
Have a nice trip!
回覆刪除[版主回覆01/11/2009 22:25:00]返嚟啦，玩得好開心!
你好叻真係整到蔡少芬...我上次都整5到..你今次好熱閙..你嘅伴手禮好好食咁wor.. 呢兩日真係超凍..烚吓烚吓真正
回覆刪除[版主回覆01/11/2009 22:25:00]我都係問人咋，我係電腦白痴! 都好熱鬧呀，我今次整啲伴手禮整得麻麻地! 我今日係大陸仲凍呀!
你d手信整得好靚呀. 咁凍最啱打邊爐啦
回覆刪除[版主回覆01/11/2009 22:23:00]啲伴手禮整得唔係咁好!
笑死我，我係度睇乜呢位blog友咁似蔡少芬既，睇清楚d原來有兩位，比你整(估)左添！
回覆刪除[版主回覆01/11/2009 22:23:00]哈哈...........咁都呃到你?佢地要求嘛!
哈哈哈~呀主席叫我嚟睇蔡少芬呢~
回覆刪除呀主席嗰張手功好好呢~如果唔係小丸子又係出同一張相，真係幾可亂真添呢~
[版主回覆01/11/2009 22:22:00]佢地要求嘛，我都要問人點整，我係電腦白痴嚟!
蔡少芬 ....
回覆刪除[版主回覆01/11/2009 22:21:00]佢地要求嘛!
蔡少芬....
回覆刪除不過幾好吖, 又靚女
[版主回覆01/11/2009 22:20:00]佢地要求嘛!
E排維景好旺,個個卜友都去食~好正,咁一定要試試
回覆刪除[版主回覆01/11/2009 22:20:00]唔好期望咁高，食物水準係灣仔好啲，我諗窩打老道嗰間都應該正!
呢招移花接木，勁呀！
回覆刪除[版主回覆01/11/2009 22:19:00]我都係問人點整咋!
無所謂！ 我已經 keep 住呢張相做為我減肥既動力，下次再影相，我一定瘦過呢次 ( 希望啦！)~~
回覆刪除[版主回覆01/12/2009 05:58:00]瘦............我都想!
恭喜發財，新年快樂， 身體健康，工作順利 !
回覆刪除[版主回覆03/02/2009 12:24:00](Empty)