母親節

一早見老公起咗身，仲以為佢去搵位俾我飲茶，點知出房見佢又係度攪電腦，真激死，可能佢見咁早，佢就係咁，就算知好多人飲茶都祇係會早小小，唔似我咁情願自己傻傻地咁係度等佢地，都要好早好早咁去等位!囝囝個鬧鍾九點幾就係度叫，不過叫咗兩次佢都無起身。

我咪曾經話過自己做唔好一個媽咪，會避開佢地，一個人出去靜下，不過我始終無咁做，佢地喜歡點就點，同唔同我慶祝亦都唔係我可以控制，老公十點出去搵位啦，但都唔係因為我，係佢喜歡飲茶啫!