~豉油皇炒麵~

~豉油皇炒麵~

[麵餅2個，韮菜，紅蘿蔔]

1. 燒一鍋水，放入麵餅浸軟打分散，沖水，瀝水備用。

2. 韮菜切段，紅蘿蔔切絲備用。

3. 起鑊爆香韮菜、紅蘿蔔上碟備用。

4. 再起鑊倒入麵條，加鹽，甜醬油，少許蠔油，糖快手炒勻，最後加入韮菜紅蘿蔔兜勻即成。

~芒果慕司蛋糕~

~芒果慕司蛋糕~

{2008年8月23日製作}

(a) 海綿蛋糕底
    [材料：雞蛋3隻，麵粉60g，可可粉15g，糖75g，溶牛油35g]

製法：
1. 蛋和糖打起，側側地打，盡量固定一個位置打，不要打到盆邊。

2. 麵粉同可可粉拌勻。

3. 慢慢倒入麵粉，拌勻。

4. 最後倒入溶牛油拌勻。

5. 以170度焗30分鐘。

(b) 芒果慕士
    [材料：白砂糖40g，魚膠片2片，蛋1隻，淡忌廉150g，芒果茸1個，芒果粒1個]

1. 浸魚膠片，浸後水可倒去，用器皿座溶魚膠片。

2. 淡忌廉打起備用，打忌廉先要固定一個位置打，不要打圈，打至企身即停，不可攪動備用。

3. 蛋和糖打起備用。(可參照上面(a)(1))

4. 加入芒果茸拌勻。

5. 再加入淡忌廉，要快手拌勻，不要讓忌廉變軟。

6. 最後加入魚膠快速攪勻。(盡快放入模中)

7. 預備蛋糕模放入朱古力海綿蛋糕，加少少水在蛋糕上可使蛋糕保持鬆軟。

8. 先倒入一半慕絲，加入芒果粒，再倒入餘下之慕絲。

9. 用芒果果糖，在蛋糕上畫上花紋。

10. 放入雪柜冷藏約30-45分鐘。

11. 取出用火槍燒一兩下，使其容易脫模，無火槍可用刀仔或熱毛巾都可以。

12. 座溶朱古力，倒入唧筒內，做玻璃紙(3-4吋寬，應與蛋糕一樣高)上唧上花紋。

13. 盡快圍上蛋糕上，待朱古力凝固後，才撕去玻璃紙即成。

14. 取出可在蛋糕上放上適量生果做裝飾。

如想效果理想啲，可雪藏1日才吃，口感更佳。

{因為MISS好遲先俾個食譜，所以咁遲先POST到}

呢個係我第一個完成嘅蛋糕，寫下步驟方便自己將來再整時參考，以前睇啲食譜得文字，覺得好難掌握，有圖會方便啲!

~辛苦~

大老爺就係為咗慳百幾蚊，

用咗四個星期日，

搭車去宜家搬返嚟嘅CD架!

點知人點不如天算!

買完第二個CD架($199)之後，

已經加咗價$259，加咗60蚊!

計計埋埋

早知叫人送貨仲好!

咁辛苦逐個攞返嚟!

大老爺條數都唔知點計?

今晚又係食麵

又係蜜蜜燒雞翼-(可按-食譜)

今次無焗得咁均勻，因為貪快，無分開焗，

一盆焗晒!

仲有~日式茶碗蛋~(可按-食譜)

~莧菜餃子~

現盛的~咖喱豬皮魚蛋蘿蔔~

有一樣嘢令我好開心，好快就可以同blog友Frances和Mommy Dearest 見面啦，我又開心

又緊張呀!

真係神奇!

  

 

  

  

我的減肥日誌

第37日：唔知點解，今日好唔想去跳舞，所以又出咗去食車仔麵!今日仲有下午茶添!

早餐：麥豬+低脂芝士+奶茶走甜

小點：麥豬+低脂芝士

午餐：車仔麵(幼麵，白菜仔，雞腳，蘿蔔)

下午茶：豬扒沙律+凍檸檬茶走甜

晚餐：蝦子麵+莧菜+雞翼1隻+餃子3隻

~日式茶碗蒸蛋~

~日式荼碗蒸~

[蛋4隻，白果8粒，蟹柳2條，日式魚蛋4片]

1. 蛋加入清雞湯1杯，生抽1茶匙、糖、鹽，打勻備用。

2. 蟹柳切段、白果(可用冬菇)及魚蛋洗淨備用。

3. 將蟹柳、白果、魚蛋放係碗底。

4. 注入蛋汁，大火蒸7分鐘，不要揭蓋，焗5分鐘即成。

~無得旅行~

聽到好多blog都話去旅行，

心裡面真係好羡慕!

真的想

!

出外鬆一鬆可以令人忘記不快事!

今日工作成日做錯嘢!

真係要打醒十二分

精神!

做埋聽我又放假啦，因為無乜心機返工，

索性放多幾日，係屋企hea都好1

希望有得去玩嘅blog玩得開心啲，

我會好掛住你地架!mamipohpoh & T&P

旅途愉快，返嚟一齊分享下旅行樂事!

你地放心，我唔開心幾日會無事架啦!

"世上祇有媽媽好"，今晚盛邀媽子嚟我屋企煮飯，

我又可以撓埋雙等食啦!

不過有樣唔好嘅係..............

媽子見我一次就話我一次

你個肥婆呀!咁肥!......

我以前瘦小小嘅時候話減肥，

佢又話減減減...減乜嘢肥呀!

而家肥咗又成日話人肥!

~如月媽子好餸~

~五指毛桃豬骨湯~

今晚我祇係負責

煮囝囝囡囡聽日啲餸

~三文魚汁火腿意粉 ~

我的減肥日誌

第36日：(1?4)好似輕咗喎，唔知係咪呢幾日無乜心機食嘢呢?

早餐：低脂奶茶走甜+小餐包2個+牛油(因為買咗要食埋佢)

小食：小餐包2個

午餐：金菇蝦子麵1碗

小食：富士蘋果1個

晚餐：白飯半碗+雪菜肉絲半碗+雞翼3隻

生果：提子10粒，紅柚1/3個