~薯仔牛肉餅~

~薯仔牛肉餅~

[碎牛肉1盒，洋蒽半個，紅蘿蔔粒少許，麵粉2湯匙，薯仔2個(小)]

1. 用雞粉，胡椒粉，鹽，糖，生抽醃啲碎牛肉。

2. 薯仔用水煮熟(約半小時)，用义壓成蓉。(如果唔成功可以用細刨)

2. 將薯仔蓉、洋蒽粒、紅蘿蔔粒、麵粉倒入碎牛肉拌勻。

3. 預備半碗生粉，用大匙捌起牛肉放係掌心，用生粉撲上牛肉球，用手略壓。

4. 燒熱油鑊，將牛肉餅煎至金黃色，盛起瀝油，配以沙律醬食用。

**牛肉餅大小隨個人喜，或可做成薯仔牛肉丸**

~煎釀四寶~

~煎釀四寶~

[鯪魚肉$10，豬肉$10，燈籠椒1隻，矮瓜1條，豆泡$2，硬豆腐1磚，指天椒2隻，豆豉1茶匙]

[調味汁：蠔油1湯匙，水4湯匙，生粉1茶匙，糖2茶匙，豆鼓1茶匙]

1. 燈籠椒去籽切大件，矮瓜開邊切段(可浸鹽水防變色)，豆泡切半，硬豆腐切1寸厚。

2. 豬肉挅碎同鯪魚肉攪勻，加入蒽粒，雞粉，水少許，鹽，糖，生粉，胡椒粉，拌勻，撻至起膠。

3. 將啲餡釀入材料中，用中大火煎至金黃色，豆腐要每面都要煎至金黃色。

4. 將啲調味汁料煮滾，將煎好之四寶倒入汁料中，炆煮一會。

~節瓜金菇煮肥牛~

~節瓜金菇煮肥牛~

[肥牛一盒，節瓜2個，金菇1包]

其實呢個餸好簡單，如果你地識咪唔使睇下面啲步驟囉!

1, 肥牛解凍，用酒，雞粉，胡椒粉，生抽，糖略醃。

2. 節瓜切條(粗幼隨個人喜好)，金菇去頭洗淨。

3. 先用蒜茸爆香肥牛，盛起備用。

4. 再起鑊爆節瓜，落雞粉，少許蠔油，蓋上蓋炆煮一會。

5. 將金菇同肥牛倒入節瓜拌勻，煮至汁乾盛起。

~奶茶凍~

~奶茶凍!

[紅茶4湯匙，伯爵茶包2個，魚膠粉3湯匙，低脂花奶適量(視乎個人口味)，糖適量]

1. 先用800ml放茶包落去煮滾，焗5分鐘。

2. 預備一個1公升玻璃窗瓶，先放花奶再沖紅茶落去，加入糖，試味!

3. 用3湯匙水將魚膠煮溶(小火)，加入奶茶度，拌勻，倒啫喱杯，放落雪柜雪1日。

~白汁海鮮意粉~

~白汁海鮮意粉~

[11號意粉半包，青口6隻，急凍魚柳1條，蟹柳6條，蘑菇4粒，白汁蘑菇意粉醬1包]

1. 意粉用水煮5分鐘，再焗5分鐘，用水沖涼，瀝水。

2. 魚柳解凍，用胡椒粉、雞粉、酒略醃。

3. 青口、蟹柳解凍切粒，蘑菇切片。

4. 用牛油起鑊爆香蘑菇，再落魚柳爆熟，加入青口及蟹柳，再加入意粉拌勻至熟，倒入意粉醬拌勻即成。

~白濛濛~

天氣真係好差，

唔係講落雨係空氣質素問題，

今朝起仲以為好大雨，

窗外一片白濛濛，下面個邨都睇唔到，

視野好差，晏晝出"海都"食飯，

一出冷氣地方﹐

即時被一股熱氣籠罩住。

今日再整理過個BLOG，

會將每日啲餸分開post上blog!

咁我煮啲嘢好似清楚啲咁!

食飯前食咗一杯奶茶凍，真係好正!

又滑又煙un，我無做到咁甜，所以好啱我口味，

奶茶唔可以擺咁耐，但奶茶凍就可以擺耐啲。

今日晚餐

~白汁海鮮意粉~

~拿破侖瑞士肉丸意粉~

~洋蒽炒小牛扒~

~蒜茸西蘭花~

~什菜牛肉湯~

點解唔係叫羅宋湯，因為我都買唔到香葉，所以係什菜湯似啲。

 

我的減肥日誌

第六日：XX7lbs

噚日無寫到，因為食到超晒標!hahaha........

8:00 奶茶麥皮

10:45 瑪莉餅2包(下次每食一塊到停1min再食第二塊)

11:35 日本手信 (魚乾15條，曲奇1塊)

13:15 食咗好多不能盡錄...........

19:05 奶茶凍1杯，西米涼粉1碗

20:35 意粉2碗，什菜湯1碗

~拿破崙瑞士肉丸意粉~

~拿破崙瑞士肉丸意粉~

[11號意粉，拿破崙意粉醬一包，新鮮蘑菇6粒，蕃茄2個，洋蒽半個]

1. 蕃茄、洋蒽切粒，蘑菇切片。

2. 意粉用水煮5分鐘(水滾先放意粒)，焗5分鐘，隔水再用水沖涼。

3. 用牛油起鑊，先爆香蘑菇片，再加入肉丸，蕃茄、洋蒽粒，煮至熟，再加入意粉，拌勻至熟，倒入意粉醬，拌勻即成。

**今次係我第一次買吉之島嘅日本意粉醬，幾隻都好好味，我覺得好味一罐罐嗰啲喎，呢隻意粒又幼身但又無天使咁幼，啱啱好**