30~April~2011(六)
「譜出健康新滋味 。李錦記Blogger大激鬥」
好幸運被評審選中入圍
以下是入圍的八強菜式
大會好著重今次個主題
"譜出健康新滋味"
著重參賽菜式要以創新而又健康為主題
評分標準好嚴格
一早在九龍塘集合 大會有專車接載我們去大埔廠房 大會兩位評判都好有實力 一位係李錦記顧問總廚May Lau 另一位係yahoo界大名頂頂嘅不眠王子 我懷著緊張嘅心情參加呢次總決賽 唔係因為輸贏的關係 係要當著咁多人煮餸都係第一次 我對自己嘅菜式無乜信心 對手太強喇 而我嘅菜式又太清淡 也不太配合健康主題 創意少 反而睇好另一位參賽者~大蚊 係初賽已被她所創嘅菜式吸引 *** 大會以菜式嘅濃淡而定出先後次序 因為唔想評判食了太濃嘅餸菜而影響評分 我被選為第一批 知道後好開心 因為快快趣趣煮完就可以坐定定睇比賽喇 我所預備嘅材料 煮嘅時候真係唔太緊張 反而一路煮一路被攝影機影住 又被問問題真係有點驚 攝影機隨時係左近影住 可能我呢味餸簡單 除咗煮嚟參賽時煮過一次外 真係無再試味再煮 今次係第二次煮咋 中間仲有時間俾我自己影下相 執番靚仔啲先 8位參賽者作品 每人要預備兩碟 一碟俾評判食 一碟提供俾大會拍照用 煮完原來要被兩位評判問問題 氣氛好緊張 睇住評判試味時 真係鴉雀無聲 "呢張相係肥妹仔度偷番嚟架" 評判試完味 參賽者可以講出 創作呢味餸嘅靈感 評判好認真咁俾分架 大家仲有機會試其他參賽者嘅餸菜 到宣佈結果時最輕鬆 因為無諗過自己會嬴 反而好輕鬆咁睇下貼唔貼中 三位得奬者真係實至名歸 "呢張相係肥妹仔度偷番嚟架" 總決賽結果係.................. YY得季軍 她的菜式結合咗創新同健康原素 大蚊得亞軍 她的菜式我在比賽時已被吸引 點解兩種不可想像嘅食材 可以crossover咁用埋一齊 味道仲非常好 呢個我一定要煮一次 李珍不愧為過江龍 得到冠軍大家都好認同 一碟菜式 結合咗健康金字塔 有蛋白質(魚)有蔬菜(酸菜)有澱粉質(米粉) 她能夠將兩種醬料結合 成為另一種新口味 真係好正!!! 我地各位參賽者都有禮品 多謝李錦記嘅安排 令我有幸參加是次比賽 獎品 冠軍Blogger 超巿及飲食禮券 $6,000 李錦記禮袋 $200 德國寶自然養生機 $4,960 (總值$11,000) 亞軍Blogger 超巿及飲食禮券 $4,000 李錦記禮袋 $200 德國寶光波萬能煮食鍋 $2,130 (總值$6,300) 季軍Blogger 超巿及飲食禮券 $2,500 李錦記禮袋 $200 德國寶保健養生鍋 $990 (總值$ $3,700 ) 殿堂Bloggers(即其餘5位參賽者) 超巿及飲食禮券 $500 李錦記禮袋 $200 (總值$700 ) 由於相片太多 明天繼續有比賽花絮 記得睇喇..........來
