2008開平珠海澳門之旅(三)
~澳門威尼斯人渡假邨~
28-Dec-2009(日)
一早係珠海酒店食完早餐，就出發去石景山
呢間酒店早餐尚可，起碼會熱啲，有茶有水有咖啡!
~石景山動感樂園~
今日得呢個景點，所以行程都好輕鬆!
呢度其實六七年前嚟過，嗰時係跟團同囝囝囡囡嚟玩!
所以無乜興趣再坐嗰啲咁危險嘅吊車上山!
因為都要成$50來回!都幾貴!
老豆好厲害呀，
夠刺激喎!係咪好似細路咁呀?
不過......最後啲職員都係唔俾亞伯(老豆)上車，
要佢坐番吊車落山喎!
唯有行上山，同囡囡、姨甥女、細佬同弟婦一齊行，
但因為全程行石級，咪話唔辛苦，
我呢啲養尊處優咁耐嘅師奶，
上到去都無乜嘢行，影咗啲相就落山啦，
真係上山容易落山難!!!
因為有落咗毛毛雨嘅關係，所以啲石級都好滑，
我著住對金鞋好鬼"扇"，唯有咁啦............
.
.
.
.
.
.
.
我對腳靚唔靚呀?無法啦，條命仔緊要呀!
亞囡仲叫我小心啲呀!佢好担心我有乜事無人煮飯俾佢食呢!
食晏啦!
啲蠔好肥美呀，不過我地個餐無呢樣餸!
仲有好多野味添!!!
跟住坐車去拱北口岸過澳門啦!
係珠海我見到有個怪現象，
星期日可能係初一嘅關係，見到好多花車，
佢地個車尾掛位個車牌係寫住"永結同心"，
唔係數目字喎!好得意!
~拱北口岸~
呢度十幾年無嚟過啦!已經唔同晒，
以前跟亞媽返鄉下，
過關好多人，可能係假期最後一日嘅關係，
~澳門威尼斯人渡假邨~
過到澳門有專車同導遊接我地去威尼斯酒店，
個所謂導遊小姐，係咁易帶我地行咗個圈就走啦，
好趕時間咁!
我地原來個行程係要再經拱北坐車去羅湖解散，
我地梗係無咁笨啦，
影番張大合照先，有位靚女行埋同我地合照呀!
成個威尼斯都無乜點行，影完相就走啦，
因為大家都攞住行李，唔想再行囉，
離開咗威尼斯之後，
(都唔想佢老人家行咁遠)
我地快快趣趣咁行去官也街買手信，
由威尼斯行過去都要十幾廿分鐘，
非常多人，個個都買手信，食木糠布甸!
買嘢係我強項，唔使十分鐘已經買齊手信!
澳門啲路牌好靚，好有懷舊feel!
4:00左右我地入咗閘，
我地買嘅船票係6:30pm，
因為細妹知道好多時都可以攞到後備位先，
(啲船票早就得，遲就唔得喎)
咁我地咪去試下有冇位啦，嘩，勁多位呀!
坐4:30船返香港!
Thank you!!!
咁就玩完我地呢次旅程，
好多謝細佬嘅安排，雖然個行程唔多掂，
但我地都玩得好開心，因為一家人ma!
真係好難得四姊弟可以一齊去旅行架!
如果大老爺都去埋仲好!
